prabhu baink new

यादवदास भोछिभोयाया जनचेतनामूलक चिसंकिपा ...सरस्वती...

नेवा: अनलाइन न्युज – विजयरत्न | २०७७ भाद्र १३, शनिबार १०:१२:३२

स्वनिगलं पिने पोखराय् च्वना ...लमि... नांयागु नेवाः संकिपा दयेकाः स्वकुमिपिनिगु नुगः त्याकेत ताःलाःम्ह संकिपाकःमि यादवदास भोछिभोयाया निर्देशनय् मिखा दान सम्बन्धि जनचेतनामूलक चिसंकिपा ...सरस्वति... युट्युबय् सार्वजनिक याःगु दु ।

एभीसिडी पोखरा युट्युबय् सार्वजनिक याःगु थ्व चिसंकिपा पर्वत्या नेपाली भाषं दयेकातःगु खः ।

सामाजिक क्रिया नेपालया न्ह्यब्वयाय् जनचेतनामूलक चिसंकिपा ...सरस्वती... मिखा दानलिसे स्वापू दूगु चिसंकिपा खःसा थुके दुर्घटनावश मिखां मखंसां थौंया इलय् वासः यायेफइ धैगु अतिकं महत्वपूर्ण सन्देश न्ह्यब्वयातःगु दु ।

थुगु चिसंकिपाय् आराध्यालक्ष्मी खड्गी, कृष्णभक्त भहर्जन, एजन राजभण्डारी व सिम्रिक श्रेष्ठं अभिनय यानातःगु दु । जनचेतनात्मक म्ये कथं थुकी निशा देशार, आनन्द कार्की, सरिता शाही, सुरजकुमार थापा व जिना रसाईलीं हालातःगु दुसा शुभ बहादुर सुनाम व राजु सिंहं थुगु म्येयात लसय् हनातःगु दु ।

थुगु चिसंकिपाय् बाखं, पट्कथा, म्ये लिसें कला निर्देशन आनन्दरत्न बज्राचार्यया दुसा थुकीया निर्देशक यादव दास भोछिभोया खः ।

Categorized in कला