1142 nhoo dan adv

याकनं हे गाडीइ दइ गूगल अटो सफ्टवेयर

२०७२ भाद्र ७, सोमबार १३:५८:१९

गाडीइ गूगल अटोया सफ्टवेयर २०१६ निसें बजारय् वये त्यंगु दु । थुकिं गाडी चले यानाच्वंगु इलय् एसएमएसया निंतिं फोन स्वये माली मखु । 

होंडा, फोर्ड, शेवरले व ह्यूंदैबाहेक यक्व कार कंपनितसें धाःगु दु कि वइगु दँय् उमिसं गूगलया अटो सफ्टवेयरया लिसें उमिगु गाडीत बजारय् हयेगु जुइ । 

यदि छि गूगलया अटो सफ्टवेयरयात छ्यलाः स्वयादी न्ह्याःसा थुकिया निंतिं छिं थःगु एंड्रोयड डिवाइसया गूगल अटोया छगू क्लोन दयेके माली अले उकिया निंतिं गूगल प्लस ज्वाइन याये माली । 

अटोमेट गूगल प्लस कम्युनिटी ज्वाइन यानादिसँ अले अन बियातःगु गूगल प्ले स्टोरया लिंकयात ट्याप यानादिसँ । अनंलिपा मेगु पेजय् छितः ‘बिकम अ टेस्टर’ या विकल्प वइ । 

अनं लिपा छिगु स्क्रीनय् छगू लिंक वइ गुकी च्वयातःगु दइ, ‘डाउनलोड फ्रम गूगल प्ले’ । थ्व इनस्टल याये धु.काः छि बेटा टेस्टर जुया दी । 

गुबले छिं डाउनलोड यानाः अटोमेटया सेटअप यानादी अनंलिपा छिं ‘लिस्नर सर्विस’ इनेबल यायेमाः । थुकिया निंतिं बक्सय् टिक यानादिसँ । 

अनंलपा छि अटोमेटया मेन मेन्यूइ थ्यनी । यदि छिं छक्वलय् पूवंक  ऐपपाखें छु छु याये फइ उकियात थुइकादिल धाःसा बांलाइ । 

यदि छिगु गाडीइ टच वाला स्क्रीन दुसा छिं छिगु फोनयात प्लग (स्वायेगु ज्या) जक यायेवं हे एंड्रोयड अटोया ऐप स्क्रीनय् क्यनी ।