nepal investment baink

यलय् पार्किङ यानातःगु गाडी खुयाः यन, छम्ह ज्वन

नेवा: अनलाइन न्युज – ललेन्द्र शाक्य | ने.सं. ११४४ बछलाथ्व सप्तमी (२०८१ जेष्ठ २ गते) बुधवाः

यलय् पार्किङ यानातःगु गाडी मदिक्क खुयाः यंकूगु द्वपनय् छम्हेसित प्रहरीं ज्वंगु दु ।

प्रहरीं ज्वंम्ह रामेछापया दोरम्बा गाउँपालिका ३ छेँ जुयाः यल महानगरपालिका २ वडा सानेपाय् च्वनाः वयाच्वंम्ह २९ दँया गणेशबहादुर गौतम खः ।

जिल्ला प्रहरी परिसर यलया पुचलं काभ्रे प्रहरीलिसे समन्वय यानाः गौतमयात काभ्रेया भुम्लु गाउँपालिका १० पाखें ज्वंगु खः ।

यलय् पार्किङ यानातःगु बा१५च ९८२५, बा१२च ४७०६ व बा७च ७७० ल्याःया टाटा कम्पनीया पिकअप गाडी श्रृंखलाबद्ध रुपं खुयाः यंकूगु खः । खुयाः यंकूगु मध्ये बा१५च ९८२५ व बा१२च ४७०६ ल्याःया गाडी नैकाप सतुंगलय् बेवारिसे अवस्थाय् निगः गाडीया ब्याट्री लिकनातःगु अवस्थाय् लुयावःगु खः ।

अथेहे, बा७च ७७० ल्याःया पिकअप गाडी इलाका प्रहरी ज्याकुथि खानीखोला धादिङलिसेया समन्वयस खानीखोला धादिङपाखें नियन्त्रणय् काःगु परिसर यलया प्रवक्ता व एसपी नरेशराज सुवेदीं जानकारी ब्यूगु दु ।

प्रहरीं ज्वंम्ह गौतविरुद्ध खुँज्याया कसुरय् यल जिल्ला अदालतपाखें न्यान्हुया म्याद कयाः अनुसन्धान न्ह्यःने यंकूगु दु ।

Categorized in दुर्घटना-अपराध