1142 nhoo dan adv

यलय् न्हूदँ हना व म्ये, हुलाप्याखं कासा सिरपाः लःल्हायेज्या जुइगु

नेवा: अनलाइन न्युज – ललेन्द्र शाक्य | २०७८ कार्तिक १५, सोमबार १४:५०:४५

न्हूदँ नेपाल संवत ११४२ या लसताय् यल महानगरपालिका १६ वडाब्यापी म्ये व हुलाप्याखं कासा ११४१ या सिरपाः लःल्हायेज्या लिसें नेपाल संवत ११४२ न्हूदँ हना ज्याझ्वः जुइगु जूगु दु ।

ने.सं. ११४१ कौलागा अमाई (कार्तिक १८ गते) लक्ष्मीपूजाया दिं बिहिवाः न्हिनसिया ३ ता इलय् यलया लायकू कातिदबुली उगु ज्याझ्वः जुइगु जानकारी यल महानगरपालिका १६ वडाया वडाध्यक्ष निर्मलरत्न शाक्यं जानकारी बियादीगु दु ।

यल महानगरपालिका १६ वडा कलाकार समितिया ग्वसालय् जुइगु उगु ज्याझ्वःया प्रत्यक्ष प्रसारण नेपाः च्यानललिसें कलाकार समितिया फेसबुक व यूट्युबपाखें जुइगु जानकारी नं ब्यूगु दु ।

ग्वसाः खलः ललितपुर महानगरपालिका १६ वडा कलाकार समितिइ सुरजवीर बज्राचार्य कजि, अनुप शाक्य छ्याञ्जे, सलोना बज्राचार्य दांभरी व दुजःपिं भुपेन्द्र बज्राचार्य, नील शाक्य, मोहिद्दिन खान, अमर चित्रकार, निसिला शाक्य व अमोघवीर बज्राचार्य च्वनादीगु दु ।

ग्वसाः खलकं कार्तिक १८ गते बिहिवाः लक्ष्मीपूजाया दिं जुइगु उगु ज्याझ्वलय् सहभागिताया नितिं सकलसित इनाप याःगु दु ।

Categorized in कला