यलया रक्षयश्वर महाविहारय् थौं सोमवाः सुथय् तःजिक श्री बसुन्धरादेवीया धलं दंगु दु ।

बसुन्धराया धलं दंपिं सच्छिम्ह मल्याक भक्तजनपिनिगु उपस्थिति दूगु खँ ग्वसाः खलकं नेवाः अनलाइन न्युजयात जानकारी ब्यूगु दु ।

ग्वसाः खलः रक्षयश्वर महाविहार बसुन्धरादेवी पूजा समितिया छ्याञ्जें जानकारी बियादी कथं थौं सोमवाः सच्छिम्ह मल्याक भक्तजनपिं धलं दनेत वःगु खःसा भक्तजनपिन्सं बसुन्धरा देवीया वर्णया रंग म्हासूगु वस्त्र फिनाः म्हासूगु हे स्वां, म्हासूगु हे सिन्हः मन्दलय् पूजा यानाः धलं दंगु खः ।

कन्हय् मंगलवाः असोज ४ गते प्यसलं मल्याक भक्तजनपिनिगु उपस्थितिइ बसुन्धरादेवीया द्यः (प्रतिमा)यात यलया थीथी थासय् परिक्रमा याकाः रक्षयश्वर महाविहारय् हे हयाः ज्याझ्वः क्वचायेकेगु खँ ग्वसाः खलकं जानकारी ब्यूगु दु ।

किपाः नेवाः अनलाइन न्युज