coved ad

यलय् छुं नं कथंया मेला व महोत्सव याये मदइगु

नेवा: अनलाइन न्युज – ललेन्द्र शाक्य | २०७८ पौष २८, बुधबार १२:०३:०८

यलय् छुं नं कथंया मेला, भेला व महोत्सव नापनापं सामाजिक लिसेंया ज्या यायेमदइगु जूगु दु ।

अप्वःगु कोरोना संक्रमणयात नियन्त्रण व रोकथाम यायेत जिल्ला प्रशासन ज्याकुथिं मंगलवाः बहनी १२ ता ईनिसें लागू जुइगु कथं थुज्वःगु निर्णय याःगु खः ।

प्रशासनं जारी याःगु निर्देशन कथं २५ म्हसिबें अप्वः मनूतय्गु उपस्थितिइ जुइगु छुं नं कथंया महोत्सव, मेला व भेला यायेमदइगु, प्रशासनिक व सामाजिक लिसें राजनैतिक ज्याझ्वः मयायेगु व मयाकेगु, याये हे माःसा प्रशासनया अनुमति कयाः जक कोरोनो प्रोटोकल्सया पालना यानाः यायेगु कथं व्यवस्था यायेगु व सार्वजनिक निकायस सेवा प्राप्त यायेत खोप कार्ड अनिवार्य ज्वनाः जुइमाःगु व्यवस्था याःगु दु ।

Categorized in स्थानिय-समाज