nepal investment baink

यलय् इखाछेँया ग्वसालय् बुद्ध जयन्ती हनीगु

नेवा: अनलाइन न्युज – विजयरत्न | ने.सं. ११४४ बछलाथ्व खस्थि (२०८१ जेष्ठ १ गते) मंगलवाः

थुगुसी बुद्ध जयन्तीया लसताय् यल महानगरपालिका वडा ल्याः ११ या इखाछेँ त्वालय् २५६८ क्वःगु बुद्ध जयन्ती तःजिक न्यायेकीगु जूगु दु ।

स्वांया पुन्हिखुन्हु तथागत महामानव गौतम बुद्धया स्वंगू संयोग  जन्म, परिनिर्वाण व बोधिज्ञान लाभ जूगु  त्रिसंयोग चूलाःगु दिं खःसा वहे प्रतीकलिसें  थुगुसी शोभा यात्रा याइगु ग्वसाः ग्वयातःगु दु ।

उकथं हे बुद्ध जयन्ती समारोहयात ताःलाकेगु नितिं थीथी नीनिगू उपसिमित नं नीस्वंगु दु ।

भगवान बुद्धया जन्म, बोधिज्ञान लाभ व बुद्धया महापरिनिर्वाणया स्वंगुलि घटनाया महत्वयात उलेगु कथं थुगुसीया बुद्ध जयन्ती हनेगु खँ ग्वसाः खलकं धाःगु दु ।

थ्व खँया जानकारी बिइगु नितिं २५६८ क्वःगु बुद्ध जयन्ती समारोह समितिपाखें पत्रकार सम्मेलन यासें थ्व जानकारी बिउगु खः ।

पत्रकार सम्मेलनय् समारोह समितिया नायः यज्ञमान शाक्यं समारोहया प्रेस विज्ञप्ति न्ह्यब्वयादीगु खः।

ज्याझ्वलय् ललितपुर बुद्ध जयन्ती कोषया नायः चन्द्रमान शाक्य, यल वडा ११ या वडाध्यक्ष अरोजकुमार खडगी , नेवाः पत्रकार राष्ट्रिय दबूया केन्द्रिय न्वकू सुनिल महर्जन लगायतं थीथी खँया जानकारी बियादीगु खः ।

Categorized in स्थानिय-समाज