nepal investment baink

यलया थेचोय् झी झी पुचःया ग्वसालय् मन्दः च्वज्या कासा जुइगु

नेवा: अनलाइन न्युज – ललेन्द्र शाक्य | २०८० कार्तिक २३, बिहिबार ११:४८:३४

नेपाःया मौलिक संवत न्हूदँ ११४४ या लसताय् यलया थेचोय् च्वंगु झी झी पुचःया ग्वसालय् प्यक्वःगु यल जिल्लाब्यापी रनिङ शिल्ड मन्दः च्वज्या कासा जुइगु जूगु दु ।

वइगु ने.सं. ११४४ कछलाथ्व पारु (कार्तिक २८ गते) मंगलवाः गोदावरी नगरपालिका वडा ल्याः १२, क्वय् लाछि थेच्वय् सुथसिया ९ ता ईनिसें न्हिनसिया ३ ता ईतक न्ह्याइगु उगु मन्द च्वज्या कासाया औपचारिक ज्याझ्वः वहे दिं  सनिलया ५ ता इलय् जुइगु जानकारी ग्वसाः खलः झी झी पुचःया नायः अनिल महर्जनं जानकारी बियादीगु दु ।

उगु प्यक्वःगु यल जिल्लाब्यापी रनिङ शिल्ड मन्दः च्वज्या कासाय् बागमती प्रदेशया उद्योग वाणिज्य भूमि व प्रशासनमन्त्री रामकृष्ण चित्रकार मूपाहाँ कथं उपस्थित जुइगु जानकारी नं ग्वसाः खलः झी झी पुचः थेचों जानकारी ब्यूगु दु ।

Categorized in कला