zero media family planning adv

यलया ज्यावला ख्यलय् स्वां मेला, सोमवाः क्वचाइ

नेवा: अनलाइन न्युज – ललेन्द्र शाक्य | २०७६ कार्तिक १, शुक्रबार १६:४१:४७

१३ क्वःगु गोदावरी स्वांया प्रतियोगितात्मक प्रदर्शनी थौं शुक्रवाःनिसें न्ह्याःगु दु ।

यलया ज्यावला ख्यलय् खेल मैदानय् जूगु उगु प्रदर्शनी सोमवाःतक न्ह्याइगु ग्वसाः खलः फ्लोरिकल्चर एसोसिएसन नेपालं जानकारी ब्यूगु दु ।

कृषि व पशुपन्छी विकास मन्त्राललयया ग्वाहालिइ जूगु उगु मेलाय् थीथी प्रजातिया स्वां प्रदर्शन याःगु खः ।

‘पिनाः स्वां गोदावरी, समाः यायेनु छेँ चुक वरिपरी’ धैगु मू नाराया लिसें ग्वसाः ग्वःगु उगु मेलां स्वांया नखः स्वन्ति नखः लिक्क वयाच्वंगु इलय् नेपाःया स्वां प्रवर्द्धनय् ग्वाहालि जुइगु ग्वसाः खलः एसोसिएसनं जानकारी ब्यूगु दु ।

उगु प्रतियोगितात्मक पुष्प (स्वां) मेलाय् गुगु नर्सरीं कासा त्याकी मेलाया लिपांगु दिं सोमवाः समापन समारोहया दिं सिरपाः लःल्हायेगु जानकारी ग्वसाः खलकं ब्यूगु दु ।

Categorized in बजाः