Header Nepal rastra bank Adv

मौन अवधिइ ओलीया इनाप, ‘चलखेल याइपिनिगु पहिचान यानाः सम्बन्धित निकायस खबर यानादिसँ’

नेवा: अनलाइन न्युज – ललेन्द्र शाक्य | २०७९ बैशाख २९, बिहिबार १४:३३:४३

नेकपा एमालेया नायः केपी शर्मा ओलीं मौन अवधिइ मतदातापिन्त सम्बोधन यासें चलखेल याइपिनिगु पहिचान यानाः सम्बन्धित निकायस खबर यायेत इनाप याःगु दु ।

ओलीं एमालेया आधिकारिक फेसबुक पेजपाखें धाःगु दु, ‘मौन अवधि न्ह्यानाच्वंगु दु । थ्व इलय् मतदाता भड्केयायेत थीथी कथंया चलखेल जुइफु । उज्वःगु ज्या याइपिं फुक्कसित प्रतिवाद यानाः इमिगु पहिचान यानाः सम्बन्धित निकायस खबर यानादिसँ ।’

ओली फुक्कसित मतदान प्रक्रियाय् सहभागी जुइत नं इनाप याःगु दु । ओलीं धाःगु दु, ‘समृद्ध नेपाः सुखी नेपाःमिया नितिं फुक्क सभ्य नागरिक मतदान प्रक्रियाय् सहभागिता जुयादिसँ ।’

Categorized in राजनीति