nepal investment baink

मोरङया थीथी थासय् निला तक निषेधित क्षेत्र घोषणा

नेवा: अनलाइन न्युज | २०८० भाद्र ३१, आइतबार १८:२३:३७

जिल्ला प्रशासन कार्यालय मोरङ असोज १ गते निसें  निश्चित क्षेत्रय् २ तक सभा जुलुस याये मदइ कथं निषेधित क्षेत्र घोषणा गयाःगु दु । प्रमुख जिल्ला अधिकारी वीरेन्द्रकुमार यादवं आइतवाः थों सूचना जारी यासें विराटनगर महानगरपालिकायात केन्द्रविन्दु दयेका थीथी  पुचः पाखें विरोध, धर्ना, जुलुस आयोजना यानावयाच्वंगु खँ न्हयथंसें असोज १ गते सुथं निसें ६ बजे तक २ महिना तकया नितिं निषेधित क्षेत्र क्वछ्युगु दु ।

निषेधित क्षेत्र तोके याःगु थाय् प्रदेशसभा पूर्वय् देवकोटा चोक निसें पश्चिममा कोशी अस्पताल चोक क्षेत्र, मुखयमन्त्री तथा मन्त्रीपरिषद्या कार्यालय, रोडशेष चोक निसें दक्षिण जतुवा चोक क्षेत्र, मुख्यमन्त्री निवासय् ३ सय मिटर जःखः क्षेत्र, प्रदेश प्रमुखया कार्यालय पाखें ३ सय मिटर जःखः व जिल्ला प्रशासन कार्यालय मोरङया डाँफे चोक निसें पूर्व तक दु ।

उगु थासय् सर्वसाधरण व सवारी साधन आवात जावतबाहेक गुगु कथं सभा, जुलुस, भेला, र्याली, धर्ना थें जाःगु ज्या निषेध याःगु खः ।

प्रदेश नं.१ पुनः नामाकरण संयुक्त संघर्ष समिति पाखें २ गते विराटनगरय् वृहत मोटरसाइकल र्याली यायेगु खँ न्ह्यथंगु दु ।

Categorized in राष्ट्रिय