Mohanai 2078 KTM

मोतीपुर औद्योगिक क्षेत्रय् सलंसः ल्याखय् प्रहरी परिचालन

नेवा: अनलाइन न्युज – ललेन्द्र शाक्य | २०७८ आश्विन २५, सोमबार १५:४७:५२

बुटवलया मोतीपुर औद्योगिक क्षेत्रया सुरक्षा व सम्भावित ल्वापु पनेत स्वसःम्हं मल्याक्क प्रहरी परिचालन याःगु दु । सुरक्षाय् जनपथ व सशस्त्र प्रहरी परिचालन याःगु दु । बुटवल व तिलोत्तमा क्षेत्रपाखें औद्योगिक क्षेत्र दुहाँ वनेगु चोकय् तःधंगु ल्याखय् प्रहरी परिचालन जूगु दु ।

आइतवाःनिसें कर्फ्यू जारी यायेधुंकाः तनावग्रस्त औद्योगिक क्षेत्र परिसर शान्त जुजुं वंगु दु । बुटवल उपमहानगरपालिकाया १७ व १८ ल्याः वडाय् रुपन्देही प्रशासनं आइतवाः न्हिनय् ४ ता ईनिसें कर्फ्यू आदेश जारी याःगु दु । जग्गा कब्जा यायेत वःपिं मनूत दुहाँ वइगु आशंकाय् आपालं स्थानीय लुखा तिनाः च्वनाच्वंगु दु ।

मोतीपुर औद्योगिक क्षेत्रय् च्वनाच्वंपिं सुकुम्बासी सर्वसाधारणपिनिगु समूह व सुरक्षाकःमिदथुइ आइवाः न्हिनय् ल्वापु जूगु खः । ल्वापुइ लानाः प्यम्ह सर्वसाधारण सीगु दु । ल्वापुइ ५१ म्ह प्रहरीलिसें ७३ म्ह घाःपाः जूगु दु ।

Categorized in दुर्घटना-अपराध