नेवा: अनलाइन न्युज – ललेन्द्र शाक्य | २०७९ माघ १९, बिहिबार १५:५९:२८

फुटबल जगतया चर्चित कासामि लियोनल मेस्सीं सन्यास कायेगु संकेत क्यंगु दु ।

छगू अन्तर्वार्ताय् थःगु करिअरय् फुक्क खँ हासिल यायेधुनागु व आः छुं हासिल याये ल्यंमदुगुलिं विश्रामपाखे वनेगु संकेत याःगु खः ।

मेस्सीं न्हयक्वःतक बलून डीओर अवार्ड त्याकेधुंकूगु दु । वया नामय् च्याम्पियन लिगनिसें कयाः ला लिगा, ट्रफितक दु । २०२१ य् मेस्सीं कोपा अमेरिका कप नं त्याकूगु खः । मेस्सी फिफा विश्वकप २०२२ या सर्वश्रेष्ठ कासामिइ नं ल्यःगु खः ।

मेस्सीं धाःगु दु, ‘व्यक्तिगत ल्याखं जिं थःगु करिअरय् फुक्क खँ हासिल यायेधुनागु दु । विश्वकप ट्रफी जिगु करिअरयात अन्त्य यायेगु अजूचायापूगु लँपु पिदन । जब जिं म्हितेगु सुरु याना उबले गुबलें सोचे मयाना कि थ्व फुक्क जिलिसे जुइ । खास यानाः विश्वकप त्याकेगु हे दकले सानदार जूगु दु । आः छुं ल्यं मन्त ।’

मेस्सीं सन् २०द्द२ या फिफा विश्वकपय् अर्जेन्टिनायात विश्व विजेता यायेत ताःलाःगु खः ।

Categorized in कासा