city axpris 2

मेस्सीं त्याकल स्वक्वःगुखुसि फिफा बेस्ट अवार्ड

नेवा: अनलाइन न्युज – ललेन्द्र शाक्य | २०८० माघ २, मंगलबार १२:३९:१३

दँया उत्कृष्ट मिजं कासामिं काइगु फिफा बेस्ट अवार्ड अर्जेन्टिनाया फरवार्ड लियोनल मेस्सीं त्याकूगु दु ।

इन्टर मियामीया मेस्सीं सिटीया स्ट्राइकर एर्लिङ हालान्डयात ल्यूने लाकूगु खः । पेरिस सेन्ट जर्मेनया स्ट्राइकर केलियन एमबाप्पे उत्कृष्ट कासामिया दौडय् लियांल्यू लाःगु दु ।

३६ दँया मेस्सीं जुनय् अमेरिकी मेजर लिग सकर एमएलएस क्लब इन्टर मियामीइ वने न्ह्यः सन् २०२३ या सुरुवात पेरिस सेन्ट जर्मेन पीएसजीपाखें याःगु खः ।

मेस्सीं पीएसजीया नितिं सन् २०२३ य् ९ गोल याःगु खः । वं फ्रेन्च लिग वान् उपाधि त्याकूगु खः । पीएसजी त्वःताः इन्टर मियामी वनेधुंकाः मेस्सीं अमेरिकाय् लिग कप त्याकूगु खः । मेस्सीं इन्टर मियामीया नितिं ७ कासाय् १० गोल याःगु खः ।

सन् २०१६ स न्हूगु ढाँचाय् सुरु जूगु थ्व अवार्ड मेस्सीं स्वक्वःगुखुसि त्याकूगु खः ।

थ्वसिबें न्ह्यः मेस्सीं सन् २०१९ व २०२२ य् नं थ्व अवार्ड त्याकूगु खः । वं सन् २०१६ व २०२२ स अवार्डया थ्व ढाँचा सुरु जुइधुंकाः स्वक्वःगुखुसि उत्कृष्ट मिजं कासामिया अवार्ड त्याकूगु खः ।

म्यानचेस्टर सिटीया प्रशिक्षक पेप ग्वार्डिओलां लण्डनय् मिजं प्रशिक्षकया अवार्ड त्याकूगु दु ।

सिटीया इडर्सनं रियल म्याड्रिडया थिबाउट कोर्टोइस व अल हिलालया यासिन बोनौयात ल्यूने लाकूसें गोलकिपर अवार्ड त्याकूगु खः ।

सिटीं सन् २०२२–२३ य् प्रिमियर लिग, च्याम्पियन्स लिड व एफए कपया ट्रेबल त्याकूगु खः ।

Categorized in कासा