prabhu baink new

मेसिनय् कानाः १५ दँ दुम्ह मिसामचा सित

नेवा: अनलाइन न्युज – ललेन्द्र शाक्य | २०७७ आश्विन ३०, शुक्रबार ११:३९:३६

महोत्तरीया बर्दिबास नगरपालका ६ स कापः पेलेयायेगु मेसिनय् ल्हाः कानाः छम्ह मिसामचा सीगु दु ।

सीम्ह मिसामचा रौतहटया राजपुर नगरपालिका ३ च्वनीम्ह १५ दँ दुम्ह जाकिर मियाँ धोबी जूगु जिल्ला प्रहरी ज्याकुथिया प्रहरी नायब उपरीक्षक प्रकाश विष्टं जानकारी ब्यूगु दु ।

बिहिवाः सनिलय् बर्दिबास ६ स पुलांगु कापः पेलेयानाः कपाय् दयेकीगु ना७प १३८३ ल्याःया ट्याक्टरय् कापः पेलेयायेगु झ्वय् मिसामचा धोबयिा जव ल्हाः काःगु खः । अतिकं हि वयाच्वंगु अवस्थाय् मिसामचायात तत्काल धनुषाया लालगढय् च्वंगु मोडल अस्पतालय् वासः यायेगु नितिं यंकूगु व अन सामान्य कथं वासः यायेधुंकाः विशेष रुपं वासः यायेगु नितिं वीरगञ्जय् च्वंगु नेशनल मेडिकल कलेजय् छ्वःगु खः । वासः यायेगु झ्वलय् नेशनल मेडिकल कलेजय् हे मिसामचा वासः यायेगु झ्वलय् सीगु प्रहरीं जानकारी ब्यूगु दु ।

थुखे कापः पेलेयायेगु मेसिनलिसेंया ट्याक्टर व चालक रौतहट, ईशनाथ नगरपालिका ९ च्वनीम्ह २३ दँया असलम मियाँ ईलाका प्रहरी ज्याकुथि बदिृबासया नियन्त्रणय् दूगु जानकारी ब्यूगु दु ।

Categorized in दुर्घटना-अपराध