Newa Ekata Diwas Gosthi Adv

मुम्बई हमलाया योजनाकार रहमानयात न्यादँ कैदया फैसला

नेवा: अनलाइन न्युज – ललेन्द्र शाक्य | २०७७ पौष २७, सोमबार १२:३७:२८

सन् २००८ स जूगु मुम्बई हमलाया योजनाकार व फाइनान्सर लस्कर ए ताइवाया अग्रज नेता जाकी उर रहमान लख्वीयात पाकिस्तानी अदालतं न्यादँ कैदया फैसला न्यंकूगु दु । मुम्बई हमलाया मू योजनाकारयात भारत व अमेरिकां निरन्तर दोषी भाःपियाच्वंगु इलय् पाकिस्तान अदालतं शनिवाः न्यादँ कैदया फैसला न्यंकूगु खः ।

भारतं पाकिस्तानी सरकारयात लाख्वीविरुद्ध सख्त पलाः ल्ह्वनेत सुरुवाती दिंनिसें हे धयाः वयाच्वंगु खः । उगु हमलां मुम्बईयात स्तब्ध याःगु खः । उगु घटनाय् १६० म्हेस्यां ज्यान गुमेयाःगु खः ।

दिल्लीं इस्लामावादयात पुख्ता सबुत मब्यूगु हुनिं वयात कारवाही मयाःगु स्पष्ट याःगु खः । वयात २००८ स प्रहरीं हिरासतय् काःगु खः । लिपा व बेलय् रिहा जूगु खः । वयात पाकिस्तानी अदालतं हाकनं शनिवाः आतंकवादय् लगानी याःगु हुनिं कैदया फैसला न्यंकूगु दु ।

पाकिस्तानं वयात ब्यूगु फैसलायात अमेरिकां लसकुस यायेधुंकाः मुम्बई हमलाया मू दोषी अझ नं धयाच्वंगु जानकारी ब्यूगु दु । संयुक्त संघया सुरक्षा परिषदं लाख्वी थीथी आतंकवादी संगठनय् दुथ्याःगु व भारतबाहेक मेमेगु क्षेत्र व देसया घटनायात निरन्तरता बियाः वयाच्वंगु द्वपं ब्यूगु दु ।

Categorized in अन्तर्राष्ट्रिय