nepal investment baink

मुख्यमन्त्री केजरीवालयात थप प्यन्हु थुनाय् तयेत आदेश

नेवा: अनलाइन न्युज – ललेन्द्र शाक्य | ने.सं. ११४४ चिल्लागा चौथी (२०८० चैत्र १६ गते) शुक्रवाः

राउज एभेनयु अदालतं बिहिवाः दिल्लीया मुख्यमन्त्री अरविन्द केजरीवालया अन्तःशुल्क नीतिलिसे सम्बन्धित सम्पत्ति शुद्धिकरण सम्बन्धी मुद्दाय् थप प्यन्हुया दिंया म्याद थप याःगु दु ।

अनुसन्धानया झ्वलय् आः मुख्यमन्त्री केजरीवालया जहानया मोबाइलया विवरणयात कयाः विश्लेषण जुयाच्वंगु दु ।

सन् २०२४ मार्च२१ स केजरीवालया छेँपाखें बरामद याःगु मेगु प्यंगः डिजिटल उपकरणया पासवर्डत उपलब्ध याकेत केजरीवालं थः वकिललिसेया परामर्शया नितिं ई माग याःगुलिं विवरण प्राप्त जुइगु जूगु धासें अनुसन्धानया नितिं प्रवर्तन निर्देशनालय (इडीं) थप प्यन्हुया दिंया म्याद थपया माग याःगु खः ।

राउज एभेन्यु अदालतया विशेष न्यायाधीश कावेरी बावेजां अप्रिल १ तकया नितिं म्याद थप याःगु खः ।

दिल्ली जिल्ला अदालतया आदेश कथं केजरीवालयात मार्च २८ तकया नितिं इडीया हिरासतय् छ्वःगु खः ।

अनुसन्धान एजेन्सीं जारी याःगु गुंगू समाह्वानयात गैरकानूनी धकाः बेवास्ता यायेधुंकाः बिहिवाः सनिल इडीं अन्तःशुल्क नीतिलिसे सम्बन्धित भ्रष्टाचारया द्वपनय् दिल्लीया मुख्यमन्त्री केजरीवालयात गिरफ्तार याःगु खः ।

Categorized in अन्तर्राष्ट्रिय