zero media family planning adv

मिस नेवाः प्रजातन्त्र दिवसया हुनिं छवाः लिछ्यात, फागुन १५ गते जुइगु

नेवा: अनलाइन न्युज – ललेन्द्र शाक्य | २०७७ माघ २९, बिहिबार १३:३९:४८

नेवाः समुदायया मयजुपिनिगु सौन्दर्य धेँधेँबल्ला कासा मिस नेवाः ज्याझ्वः थुगु दँ निर्धारित तिथिसिबें छवाः लिपा जक जुइगु जूगु दु ।

नेवाः समुदायया मिसापिनिगु नितिं नेप्लिज फेसन होमं ग्वसाः ग्वयाः वयाच्वंगु मिस नेवाः नेपाल थुगु दँ फागुन ७ गते कमलादीइ च्वंगु नेपाल प्रज्ञा प्रतिष्ठानय् यायेगु पक्का जूगु व टिकट तकं बजारय् वनेधुंकूगु जूसां नं नेपाल सरकारं प्रजातन्त्र दिवस सम्बन्धी ज्याझ्वः प्रतिष्ठानय् हे याइगु जुइधुंकाः छवाः ल्यूने लिछ्यायेमाःगु खँ नेप्लिज फेसन होमया नायः हेमा मानन्धरं जानकारी ब्यूगु दु ।

प्रधानमन्त्री केपी शर्मा ओलीया सहभागिताय् प्रजातन्त्र दिवस सम्बन्धी थीथी ज्याझ्वः क्वःछ्यूगुलिं मिस नेवाःया ज्याझ्वः छवाः ल्यूने लिछ्यायेमाःगु नायः मानन्धरं धाःगु दु ।

आः १५ क्वःगु संस्करणया मिस नेवाः नेपाल ११४१ फागुन ७ गतेया पलेसा फागुन १५ गते नेपाल प्रज्ञा प्रतिष्ठानय् जुइगु जूगु दु ।

Categorized in कला