coved ad

मिसायात भारतया कोठीइ म्यूम्ह अनिशा तामाङ गिरफ्तार

नेवा: अनलाइन न्युज – ललेन्द्र शाक्य | २०७८ पौष २२, बिहिबार १५:४५:२९

पोखरा ब्वनायंके धकाः बेहोस यानाः मिसायात भारतया कोठीइ थ्यंकाः मिइगु ज्या याःगु अभियोगय् छम्हेसित ज्वंगु दु ।

नुवाकोट दुप्चेश्वर गाउँपालिका ५ ठेगानाया २६ दँया अनिशा तामाङ नांया फुलमाया तामाङयात पुस ९ गते प्रहरीं गिरफ्तार याःगु खः ।

गुरुङयात प्रहरी प्रधान ज्याकुथि मानव बेचबिखन अनुसन्धान ब्यूरो बबरमहलं खटेजूपिं प्रहरीं येँया बुढानिलकण्ठ नगरपालिका १० कपनं गिरफ्तार याःगु जानकारी ब्यूगु दु ।

पोखराया होटलय् प्याखं हुलेगु व ल्यँदूगु ई थःगु हे छेँय् घरायसी ज्या यायेमाःगु, उकिया बापत बांलाःगु कमाई जुइ धासें फुलमायां पीडित मिसायात थीथी प्रलोभन क्यनाः २०७४ साउन महिनाय् येँया आकाशेधाराय् च्वंगु होटलय् यंकाः चाउमिनय् बेहोश जुइगु वासः ल्वाकछ्यानाः नकाः थीथी थाय् जुयाः भारतया बम्बई, ईलाहाबाद, कलकत्ता व कुचविहारया कोठीइ थ्यंकाः तःक्वःमछि मिइगु ज्या यानाः बेश्याबृत्ति याकूगु अवस्थाय् भारतीय प्रहरीया समन्वयस नेपाली राजदूतावास व नेपालय् च्वंगु विश्व सेवा विस्तार संस्थाया ग्वाहालिपाखें वंगु असोज २३ गते उम्ह मिसा नेपाः लिहाँ वयेत ताःलाःगु खः ।

उगु मुद्दाया अनुसन्धानया झ्वलय् गिरफ्तारीइ लाःम्ह मिसा तामाङयात थप अनुसन्धान जुयाच्वंगु ब्यूरों जानकारी ब्यूगु दु ।

Categorized in दुर्घटना-अपराध