nepal investment baink

मिसायात दुर्व्यवहार याःगु द्वपनय् वडाध्यक्ष गिरफ्तार

नेवा: अनलाइन न्युज – ललेन्द्र शाक्य | २०७७ आषाढ १९, शुक्रबार १०:४८:४०

स्थानीय मिसायात दुर्व्यवहार याःगु द्वपनय् प्रहरीं कञ्चनपुरया छम्ह जनप्रतिनिधियात गिरफ्तार याःगु दु ।

जिल्ला प्रहरी ज्याकुथि कञ्चनपुरं भीमदत्त नगरपालिका वडा ल्याः ९ या वडाध्यक्ष राम नाथयात गिरफ्तार याःगु खः ।

अय्लाः त्वनाः वयाः स्थानीय छम्ह मिसायात अपशब्द न्वःवानाः हातपात याःगु अभियोग वडाध्यक्ष राम नाथयात लाःगु दु ।

अय्लाः त्वनाः वयाः दुर्व्यवहार याःगु द्वपं लायेधुंकाः वडाध्यक्ष राम नाथयात गिरफ्तार यानागु जिल्ला प्रहरी ज्याकुथि कञ्चनपुरया प्रहरी नायव उपरीक्षक डिएसपी अमर थापां जानकारी ब्यूगु दु ।

डिएसपी थापां धाःगु दु, जिमिसं वडाध्यक्षयात नियन्त्रणय् कयागु दु । थप अनुसन्धान जुयाच्वंगु दु ।

मिसायात वडाध्यक्षं दुर्व्यवहार याःगु धासें स्थानीयं इलाका प्रहरी ज्याकुथि ब्रम्हदेव घेराऊ यानाः नाराबाजी तकं याःगु खः ।

Categorized in दुर्घटना-अपराध