मालबाहक कन्टेनर त्रिशुलीइ कुतुंवन
नेवा: अनलाइन न्युज – ललेन्द्र शाक्य | २०७७ श्रावण १५, बिहिबार १३:४७:४८
विराटनगरं येँपाखें वयाच्वंगु मालबाहक कन्टेनर इच्छाकामना गाउँपालिका ५ नाग्दी खुसि लिक्कपाखें त्रिशुली खुसिइ कुतुंवनाः बेपत्ता जूगु दु ।
जिल्ला प्रहरी ज्याकुथि चितवनया कथं ना३ख ८९८७ ल्याःया उगु कन्टेनर व येँपाखें नारायणगढपाखे वनाच्वंगु ना६ख ५६८७ ल्याःया ट्रक थःथवय् ल्वानाः कन्टेनर त्रिशुली खुसिइ कुतुंवंगु खः ।
ट्रकया चालक धाःसा सामान्य घाःपाः जूगु दु ।
प्रहरीया कथं ट्रक चालकया स्थानीय मेडिकलय् वासः जुयाच्वंगु व कन्टेनरय् भाटभटेनी सुपरमार्केटया सामान दूगु जानकारी ब्यूगु दु ।
बेपत्ता जूगु कन्टेनरया मालेगु ज्या जुयाच्वंगु जिल्ला प्रहरी ज्याकुथिया प्रवक्ता सूर्यबहादुर थापां जानकारी ब्यूगु दु ।
Categorized in दुर्घटना-अपराध