nepal investment baink

मार्च ३० तारिखय् हलिं न्यकं हलिं नेवाः न्हि हनीगु

नेवा: अनलाइन न्युज | ने.सं. ११४४ चिल्लागा तृतीया (२०८० चैत्र १५ गते) बिहिवाः

न्ह्यय्क्वःगु हलिं नेवाः दिवस हलिं न्यकं च्वनाच्वपिं नेवातय्सं थीथी ज्याझ्वः याना हनिगु जुगु दु ।  दु । हलिं नेवाः दबूया इनापय् दँय्दसं मार्चया अन्तिम शनिवाः कुन्हु नेवाः दिवस न्यायेका वयाच्वंगु खःसा थ्व दँय् शनिवाः चैत १६ गते हलिं नेवाः न्हि लाःगु दु ।

हलिं नेवाः दबूपाखें व्व दँय् नेपाःया लिसें अमेरिका, बेलायत, क्यानडा, जर्मनी, स्पेन, न्यूजिल्यान्डय् च्वनाच्वंपिं नेवाःतय्सं थीथी ज्याझ्वः यायेत्यंगु दु । अथे हे हलिं नेवाः दबूया ग्वसालय् न्हापांगु हलिं नेपालभाषा चिनाखँ मुँज्या याये त्यंगु दु ।

मुँज्या मार्च ३० तारिख निसें प्यवाः तक शनिवाः पतिकं अनलाइनपाखें  यायैत्यंगथु खः । थुकी जनकवि दुर्गालाल श्रेष्ठ, वरिष्ठ साहित्यकारपिं नर्मदेश्वर प्रधान, प्रतिसरा साय्मि, भुषणप्रसाद श्रेष्ठ, स्नेह साय्मि लगायतया न्यय्न्हय्म्ह कविकवयित्रीपिंसं थःथःपिनि कविता न्यंकीगु ज्याठवः तयातःगु दु ।

अथेहे थुकुन्हु लोककवि राजभाई जकःमिं च्वयादीगु व जुगल डंगोलय् लय् तयादीगु हलिं नेवाः म्येँया विमोचन नं यायेत्यंगु दु ।

न्हय्क्वःगु हलिं नेवाः न्हिया लसताय् क्यानडा नेवाः गुथिया ग्वसालय् क्यानडाया ब्राम्पटनस्थित बुखारा ग्रीलय् सांस्कृतिक ब्वज्या व क्वीज, नेवाः अर्गनाइजेशन अफ अमेरिका ९सियाटल च्याप्टर०या ग्वसालय् सियाटलय् मस्तय् चित्रकला धेंधेंबल्लाः, पासा पुचः गुथि लन्डनया ग्वसालसय् लन्डनया मंकी टेम्पलय् नेवाः कासा व भ्वय्, हलिं नेवाः दबू यके च्याम्टरं अनलाइनपाखें हस्तलिखित नेवाः पाण्डुलिपि संरक्षण प्रोजेक्टया सुरुवात, नेपाः पासा पुचः अमेरिकाया ग्वसालय् वाशिंगटनय् संस्थाया संरक्षक व आजीवन दुजःपिनि हनेज्या, नेवाः गुथि न्यूयोर्कया ग्वसालय् अमेरिकाया न्यूयोर्कय् धिमे प्याखंया वर्कशप व सी गुथि, हलिं नेवाः दबू नेपाल च्याप्टरया ग्वसालय् यलय् हनाज्याझ्वः, नेवाः खलः ह्याम्बर्ग व हलिं नेवाः दबू युरोप एकाइया ग्वसालय् जर्मनीया लुनबर्गय् नेपालभाषा विज्ञपिंत हना ज्याझ्वः, नेवाः गुथि न्यूजिल्यान्डया ग्वसालय् अक्ल्यान्डय् नेवाः न्हि हना ज्याझ्वजः, नेवाः पासा पुचः स्पेनया ग्वसालय् बार्सिलोनाय् नेवाः गुँभ्वय्, कोलोराडो नेवाः खलःया ग्वसालय् अमेरिकाय् नेवाः न्हि हना ज्याझ्वः, हलिं नेवाः दबू नेदरल्यान्ड च्याप्टरया ग्वसालय् लेइडेनय् नेवाः भ्वय् जुइगु जूगु दु ।

अथेहे नृत्यमण्डला महाविहारया ग्वसालय् अमेरिकाया पोर्टल्यान्डय् नेवाः न्हि हना ज्याझ्वः, अमेरिका च्याप्टरया ग्वसालय् टेक्सासय् अजिमा जात्रा नेपाः कम्युनिटी युएसएया ग्वसालय् हिन्दू बुद्ध महाविहारय् कलश यात्रा, नेवाः अर्गनाइजेशन अफ न्यू इंग्ल्यान्डया ग्वसालय् अमेरिकाया म्यासाच्युयट्सय् योगा व अन्तक्र्रिया ज्याझ्वः, नेवाः नखः न्यूयोर्कया ग्वसालय् अनलाइनपाखें अन्तक्र्रिया व मस्तय् सम्बन्धी ज्याझ्वः, नेवाः कल्चर सोसाइट अफ अल्बर्टा क्यानडाया ग्वसालय् अनलाइनपाखें अन्तक्र्रिया व सांस्कृतिक ज्याझ्वः, क्यालिजात्राया ग्वसालय् जनबहालय् रञ्जना लिपिया वर्कशप ज्याझ्वः यायेतयंगु दु ।

Categorized in अन्तर्राष्ट्रिय