prabhu baink new

मापसे यानाः दत्या दुम्ह काय् लिसें मांम्ह खुसिइ क्वाहाँ वन

नेवा: अनलाइन न्युज – ललेन्द्र शाक्य | २०७७ आश्विन ३०, शुक्रबार ११:१७:४२

चितवनया छम्ह मिसा मादक पदार्थ सेवन यानाः दत्या दुम्ह काय् लिसें राप्ती खुसिइ तिंन्हुया वंगु दु । काय् सीगु दुसा मांम्हेसित प्रहरीं सकुशल उद्धार याःगु दु ।

भरतपुर महानगरपालिका २२ पटिहानी बोटे त्वाःया ३५ दँया हेमन्ती बोटे बिहिवाः राप्ती खुसिइ काय् लिसें तिंन्हुयाः वंगु खः ।

इलाका प्रहरी ज्याकुथि गितानगरया पुलचं मालेगु ज्या याःबलय् हेमन्तीयात तिंन्हुयावंगु थासं लिक्कपाखें सकुशल उद्धार याःगु खः । वया दत्या दुम्ह काय् धाःसा थ्यंमथ्यं २ किलोमिटर क्वय् मेजरघाटय् सिनाच्वंगु अवस्थाय् लूगु चितवन प्रहरीं जानकारी ब्यूगु दु ।

हेमन्ती बोटेयात प्रहरीं नियन्त्रणय् काःगु दु । व खुसिइ तिंन्हुइमाःगु कारण सीमदुनि ।

Categorized in दुर्घटना-अपराध