Newa Ekata Diwas Gosthi Adv

माघ १ गते सुथय् किपूया प्रहरी वृत्तय् सहलह व अन्तर्क्रिया ज्याझ्वः जुइगु

नेवा: अनलाइन न्युज – ललेन्द्र शाक्य | २०७७ पौष २९, बुधबार १२:४८:०८

महानगरीय प्रहरी वृत्त किपूया ग्वसालय् किपू नगरया ट्राफिक व्यवस्थापनयात चुस्त दुरुस्त यानाः दुर्घटनारहित व व्यवस्थित किपू नगर निर्माण यायेगु आज्जुं सहलह व अन्तर्क्रिया ज्याझ्वःया ग्वसाः ग्वःगु दु ।

उगु सहलह व अन्तर्क्रिया ज्याझ्वः ने.सं. ११४१ पोहेलाथ्व पारु (माघ १ गते) बिहिवाः घ्यचाकु सँल्हुया दिं सुथसिया ८ ता इलय् किपू नगरपालिका ३ वडाय् च्वंगु महानगरीय प्रहरी वृत्त किपू परिसरय् जुइगु जानकारी ग्वसाः खलः महानगरीय प्रहरी वृत्त किपूया ज्याकुथि प्रमुख लिसें प्रहरी नायब उपरीक्षक रुकेश तण्डुकारं नेवाः अनलाइनन्यूजयात जानकारी बियादीगु दु ।

डिएसपी तण्डुकारं बियादीगु जानकारी कथं उगु अन्तर्क्रिया व सहलह ज्याझ्वलय् किपू लागाय् पार्किंग व्यवस्थापन सम्बन्धय् सतकय् लाक्वपाक्व जुइगु पार्किंग व्यवस्थापनलिसें सतकया एकतर्फी पार्किंगया विषयस सहलह व अन्तर्क्रिया जुइगु जानकारी बियादीगु दु ।

अथेहे, ज्याझ्वलय् ट्राफिक संकेतत कोण, डिभाईडर, ब्यारिकेट तयेगु सम्बन्धय् नं सहलह व अन्तर्क्रिया जुइगु जूुगु दु ।

किपूया बजाः एरिया व अप्वः दुर्घटना जुइगु सतक खण्डय् सूचनामूलक बोर्डत व सीसीटीभी तयेगु सम्बन्धय् नं सहलह व अन्तर्क्रिया जुइगु जानकारी ग्वसाः खलः महानगरीय प्रहरी वृत्त किपू नं ब्यूगु दु ।

थ्वहे झ्वलय् माघ १ गते जुइगु उगु अन्तर्क्रिया व सहलह ज्याझ्वलय् फुटपाथ पसः व्यवस्थापन सम्बन्धय् फुटपाथ पसः चायेकाः ब्यापार याइपिं लिसें ठेला, रिक्सा, साईकलय् फलफूल मिइपिनिगु ज्याया व्यवस्थापन यायेगु विषयस नं सहलह जुइगु जानकारी ग्वसाः खलकं ब्यूगु दु ।

अथेहे, यात्रुबाहक सवारीसाधन ब्यवस्थापन सम्बन्धय् लाक्वपाक्व यात्रु तइगु व क्वकाइगु, ताःईतक सवारीसाधन दिकाः तइगु, क्षमतासिबें अप्वः यात्रु तइगु, क्वःछ्यूगु सिबें अप्वः भाडा काइगु इत्यादी विषयस ब्यवस्थापन यायेगु सम्बन्धय् नं सहलह व अन्तर्क्रिया जुइगु जानकारी बिसें ग्वसाः खलकं ट्राफिक सचेतनामूलक ज्याझ्वः न्ह्याकेगु सम्बन्धय् व मेगु थीथी विषयस नं सहलह ब्याकेगु व अन्तर्क्रिया ज्याझ्वः यायेगु ग्वसाः खलः महानगरीय प्रहरी वृत्त किपूया प्रहरी नायव उपरीक्षक लिसें ज्याकुथि प्रमुख रुकेश तण्डुकारं जानकारी बियादीगु दु ।

उगु सहलह व अन्तर्क्रिया ज्याझ्वलय् सम्बन्धित सरोकारवाला पक्षपिन्त सहभागिताया नितिं ग्वसाः खलकं इनाप याःगु दु ।

Categorized in स्थानिय-समाज