coved ad

माओवादी नेता शक्ति बस्नेत व सत्या पहाडीयात नं कोरोना पुष्टि

नेवा: अनलाइन न्युज – ललेन्द्र शाक्य | २०७८ पौष २५, आइतबार ११:३५:४८

नेकपा माओवादी केन्द्रया नेता शक्तिबहादुर बस्नेत व वया जहान सत्या पहाडीयात नं कोरोना संक्रमण पुष्टि जूगु दु । इपिं निम्ह होम आइसोलेशनय् च्वनाच्वंगु दु ।

थुकिया जानकारी सत्या पहाडी थःम्हं हे सामाजिक संजालपाखें ब्यूगु खः । वं फेसबुकय् च्वःगु दु, ‘स्वक्वःगुखुसि कोभिडया आक्रमण, जिपिं निम्हं होम आइसोलेशनय् ।’

माओवादी केन्द्रया च्याक्वःगु महाधिवेशन क्वचायेखतं पार्टी नायः पुष्पकमल दाहाल प्रचण्ड लिसें माओवादीया आपालं नेता कार्यकर्तापिन्त कोरोना संक्रमण पुष्टि जूगु खः ।

प्रचण्डलिसें नेता नारायणकाजी श्रेष्ठ, हरिबोल गजुरेल व मातृका यादव संक्रमित जूगु खः । अथेहे, प्रचण्डया स्वकीय सचिव रमेश मल्ल, अखिल क्रान्तिकारीया नायः पञ्चा सिंह, वाइसिएल नेतापिं रामप्रसाद सापकोटा दीपशिखा, सुमन देवकोटा, सुवोध सिर्पाली लिसेंयापिं नं संक्रमित जूगु खः ।

Categorized in राजनीति