dudha jayanti 2568

माओवादी केन्द्रया नेता कालीबहादुर खाम गिरफ्तार

नेवा: अनलाइन न्युज – ललेन्द्र शाक्य | ने.सं. ११४४ चिल्लागा अस्तमि (२०८० चैत्र २० गते) मंगलवाः

कोटेश्वरया व्यापारी रामहरि श्रेष्ठया हत्या याःगु द्वपं लाःम्ह पूर्व कमाण्डर व नेकपा माओवादी केन्द्रया नेता कालीबहादुर खामयात गिरफ्तार याःगु दु । खाम थौं मंगलवाः येँपाखें गिरफ्तारीइ लाःगु खः ।

खामयात रामहरि श्रेष्ठ हत्या प्रकरणया मू योजनाकार कथं कयातःगु दु । माओवादी लडाकुया पूर्व डिभिजन कमाण्डर खाम माओवादी केन्द्रया सुरक्षा विभागया दुजः खः ।

खाम १५ दँ न्ह्यःनिसें प्रहरीया फरार धलखय् लानाच्वंम्ह खः । माओवादी शान्ति प्रक्रियाय् वयेधुंकाः श्रेष्ठयात येँपाखें अपहरण यानाः चितवनया शक्तिखोर थ्यंकाः हत्या याःगु खामयात द्वपं दु ।

Categorized in दुर्घटना-अपराध