zero media family planning adv

महापुरुषपिनि महात्मा गान्धी ख्यालि

नेवा: अनलाइन न्युज | २०७२ कार्तिक २८, शनिबार १३:१५:४५

ख्यालिह्यः ‘ख“ल्हाबल्हाया कला’यात बांलाकी । थुकिया चर्चा न्हापा नं याये धुन । विपरित परिस्थिति व थाकुगु इलय् हे थःगु स्थित–प्रज्ञातायात ल्यंकाः ख्याः याना च्वने फुगु महापुरुषपिनि विशेष गुण खः । थुकिया यक्व न्ह्यइपुगु दृष्टान्त दु । थन दसुया निंतिं निम्ह भारीय महापुरुषपिनि ख्यालिह्यःयात न्ह्यथनाच्वना ।

यक्व दशकतक भारतया संघर्षमय राजनीति, समाज–सुधार व स्वतन्त्रता संग्रामया कर्णधर जुयाः नीगूगु शताब्दीया युग–पुरुषया रुपय् विश्वविख्यात महापुरुष महात्मा गान्धी तसकं ख्यालि स्वभावयाम्ह खः । थः समकालीन मनूतलिसे वय्कः सारगर्भित व सृजनात्मक विनोदया यक्व दसु दु । वय्कलं थ्व सम्बन्धय् छक्वः धयादीगु दु, ‘यदि जिके ख्यालिया भाव मदुगु जूसा जिं यक्व न्ह्यः हे आत्महत्या याये धुन जुइ ।’ बापूया ख्यालि स्वाभाविक, आह्लादकारी व शिक्षाप्रद जुइ । उकिया छुं नमुना न्ह्यब्वया च्वना –
छक्वः वा वःगु दिं बापू रेलया स्वंगूगु क्लासया डिब्बाय् (गुगु उबलय् दकलय् क्वय्यागु खः) यात्रा यानाच्वंगु । डिब्बा तसकं ज्वः । छगू स्टेशनय् गार्डं वयात उगु डिब्बा त्वःताः मेगु डिब्बाय् वनेत इनाप याःबलय् वय्कलं ख्यालिं जाय्क न्हिलाः धाल, ‘गुबले छिं थुगु डिब्बाय् मेपिन्त तये हे हयादी सा जि हे छाय् च्वना मच्वने †’ थुगु लिसलं लज्जित जुयाः गार्डं थःगु मछाःसू तंकेत न्यन, ‘जिगु लायक छुं सेवा ?’ बापू थःगु नुगः ख“ तुरुन्त धायेत गनं त्वःती  वय्कलं धाल, ‘छिं यात्रीपिन्त दुःख बियादी मते व घुस कयादी मते । यदि छिं थुलि याना बिल धाःसा थ्वहे जिगु तःधंगु सेवा जुइ ।’ बिचरा गार्ड निरुत्तर जुल । गुलि ज्यू † वं गान्धीजीया सेवाया थुगु मागयात स्वीकार याःगु खःसा †
थः सी त्यन धइगु सीकं नं विनोदी जुयाच्वनीम्ह बापू छक्व बार्दली च्वनाच्वंगु, गन छम्ह हट्टाकट्टाम्ह काबुली यक्व न्ह्यःनिसें गान्धीजीयात हःताः यायेत स्वयाच्वंगु खः । बापूं वयात खनेवं सःताः तसकं मतिनां न्यन, ‘छु माल ?’
‘छिं सकसितं अहिंसाया उपदेश बियादी, अथेजूगुलिं जितः छिगु न्हाय् ध्यनाः थ्व स्वये मास्ते वः कि छि गनतक अहिंसक जुयाः च्वनादी ।’
काबुलीया थ्व लिसः न्यनाः बापू शान्तभावं विनोदी सलं धाल, ‘तर केवल न्हाय् हे छाय्, जिं थःगु थ्व छ्यं व म्ह नं छन्त लःल्हाये । छं निस्संकोच थःगु प्रयोग यानाः स्व ।’न्यना काबुली वया तुतिइ भ्वपुल व बापूं वयात घय्पुल ।
मानवती आर्यं च्वयादीगु जीवनोपयोगी सफू
“बातचीत की कला” पाखें भाय्हिलाः न्ह्यब्वया – सं.।