prabhu baink new

महात्मा गान्धीया सुलचं २.५५ करोडं लिलामी

२०७७ भाद्र ७, आइतबार १०:४०:४७

भारतया बापू अर्थात् महात्मा गान्धीया छगू सुलचं (चश्मा) २ करोड ५५ लख भारुं लिलाम जूगु दु । उगु सुलचं अमेरिकाया छम्ह मनुखं न्यानाकाःगु खः ।

धयातःगु दु कि उगु सुलचं महात्मा गान्धीयात वया बाज्यां ब्यूगु खः । गुगु इलय् व दक्षिण अफ्रिकाय् ज्या यानाच्वंगु खः । थ्व सन् १०१० निसें १०३० तकया खँ खः ।

लिलामी एजेन्सी इस्ट ब्रिस्टल अक्सनया कथं ३ अगष्टय् उगु सुलचं छगू तुयुगु खाम दुने लुयावःगु खः, गुगु सुं मनुखं त्वःताः थकूगु खः ।

अक्सन कम्पनीया एन्ड्रयु स्टों धाःगु दु, सुं छम्ह मनुखं शुक्रवाः बहनी थुगु सुलचं जिमिगु लेटर बक्सय् कुतुकाः थकूगु खः । उगु सुलचं सोमवाःतक लेटर बक्स दुने हे लानाच्वंगु खः । सुलचं लिसें छगू पौ नं दूगु खः । उकी च्वयातःगु खः, थ्व महात्मा गान्धीया सुलचं खः ।

वधुंकाः लेटर बक्सय् सुचलं तयाथकूम्ह मनूयात स्वापू तःगु खः । वधुंकाः उगु सुलचं लिलामीइ तःगु खः ।

२ करोड ५५ लख तका भारु द्यामं मिइधुंकाः सुलचंया मालिक लयेताःगुु दु । कमजोर आर्थिक अवस्थाया उम्ह मनुखं उगु रकम थः म्ह्याय्यात इनाबिइगु धाःगु दु ।