zero media family planning adv

मलय् मसला कि वासः ?

नेवा: अनलाइन न्युज | २०७३ जेठ ८, शनिबार ०९:१९:१६

मलय् झीसं मसलाया रुपय् न्हियान्हिथं नयेगु याना वयाच्वनागु दु । तर थौंकन्हय् धाःसा झीथाय् मलय्या आपूर्ति बांलाक जुयाच्वंगु खनेमदु । मलय् गर्मी थासय् दइगु जूगुलिं थ्व नेपालय् दइमखु । झीथाय् विशेष यानाः भारतपाखें हयेगु याइगु कारणं थौंकन्हय् बांलाक आपूर्ति याये मफयाच्वंगु खः । झीसं स्यूगु हे खः कि ख“य् भाषं मलय् यात मरिच धाइ अथेहे संस्कृतं मरिच, बेल्लज व कृष्ण नं धायेगु याः । अथेहे अंग्रेजीं द्यबिअप एभउउभच धाइगु मलय् यात ल्याटिन भाषं एष्उभच ल्ष्नचगm ष्लिल धाइ ।
    मलय् लहरा वनिगु छगू सिमा खः । थ्व झाडी थें ¤याङ्ग च्वनिगु यक्व द“तक म्वाइगु लहरा खः । गथे फसि, तुसि माय् च्वये थहां वनेत औंचा पतिकं ल्हाःचा थेंच्वंगु वइ उकथं हे मलय् माय् औंचा पतिकं हा वयेगु याइ । उगू हां ज्वनाः मलय् मा सिमा वा गसिइ थहां वनी । थ्व गर्मी थासय् दइगु जूगुलिं झीथाय् दइमखु अथे खःसां झीसं थुकियात मसला व वासःया रुपय् छ्यलाच्वनागु दु । मलय्या हः ५–६ इञ्च हाकः, २–४ इञ्च ब्या दुगु काचाक्क स्वयेबलय् ग्वाःहः थें च्वंगु जुइ । थुकिया हलय् निज्वः स्वज्वः ध्वःत बांलाक सिइदयेक हे दइ । मलय् पाके जुइ न्ह्यः वाउ“गु, पाके जुइधुंकाः ह्याउ“गु अले खाना कायेधुंकाः गनलाय् हाकुगु अले सुखूचिंगु जुइ । गोलाकार जूगु मलय् चिचिग्वःचा जुइ । मलय् नयेबलय् म्ये“ जल्लं च्वनी, पालुसे च्वनी तर थुकी विशेष कथंया बास वइ । वासःया लागि अले मसलाया रुपय् थुकिया फल वा मलय् छ्यलेगु याइ ।
    मलय् वासः खः धाये धुंकाः आः छु छु ल्वय् जूगु इलय् गुकथं छ्यलेगु धइगु ख“ नं सिइकेमाल । दकलय् न्हापां ला छु छु ल्वय् जूगु इलय् मलय् ज्यावः धकाः नि सिइके । मलय् विशेष याना प्वाःसम्बन्धि व श्वासप्रश्वास सम्बन्धि ल्वय्या लागि ज्या वः । अजीर्ण जूगु इलय्, आध्यान वा प्वाथय् फय् दुहां वना प्वाः दुम्म च्वंगु इलय्, कास–श्वास, शीत–ज्वर, छं्र्यगूया ल्वय् अथेहे ब्रणशोथ आदि इलय् मलय् छ्यले ज्यू ।
   

अजीर्ण जुयाच्वंगु दुसा मलय्या चुं बागू ग्रामं निसें छगू ग्राम सुथ बहनी नसा नये धुंकाः क्वाःलः नापं नयेगु यायेमाः वा नसा नयेधुंकाः मलय् म्हुतुइ तयातयेगु यात धाःसां नं अजीर्ण जुइगु म्हो जुयावनी ।
    प्वाथय् फय् दुहा“ वनाः प्वाः स्यानाच्वन धाःसा मलय् छ्यला फय् पिकाये ज्यू । प्वाथय् फय् दुहां वनाच्वंगु इलय् क्वाःलः नापं मलय्या चुं १÷२–१ ग्राम नयाबिल वा मलय् अथें म्हुतुइ तयाः उकिया रस त्वनाच्वनेगु यात धाःसा फय्या विकार तनावनी । अथेहे नियमित रुपं मसलाया रुपय् न्हियान्हिथं मलय् नयेगु यात धाःसा प्वाथय् फय् दुहां वनीमखु । प्वाथय् फय् थः हे दुहा“ वनीगु मखु झीसं नयेगु नसाया कारणं उत्पन्न जुइगु खः तर मलय् नल धाःसा उकिं फय् उत्पन्न याके बिइमखु । मलय् चिकुलाया इलय् भचा भचा च्याय् तया त्वनेगु याःसां बांलाइ ।
    मलय्या प्रयोगं गर्मी जूगु कारणं गर्मीया इलय् यक्व छ्यलेगु हानिकारक जुइफु । गर्मीया इलय् मलय् आपाः छ्यल धाःसा पिसाव पोले जुइगु ल्हाःतुति पुना वइगु जुइ । शील–ज्वर यानेकी ज्वर वया ल्हाःतुति ख्वाउ“से च्वनावन धाःसा मलय् छ्यलेगु यक्व हे बांलाः । थुज्वःगु इलय् क्वाःलः नापं मलय् चुं तया नयाबिल धाःसा शीत–ज्वर क्वलाइ । मलय् आन्तरिक प्रयोगया लागि जक मखु पावासःया रुपय् नं छ्यले ज्यू । छं्यगूया गुलिखे ल्वय्या लागि मलय्या लेप दयेकाः पानाबिल धाःसा उगू ल्वय् लनावनी । थथे आपालं ज्या वःगु मलय् न्हियान्हिथं नयेगु यात धाःसा ल्वय् पाखें बचे जुइत ग्वाहालि जुइ । मलय् अतिकं ज्यावःगु जडिबुटी जूगु कारणं नेपाली वासलय् ब्यापक रुपं छ्यलेगु याना वयाच्वंगु दु । त्रिकतु चूर्ण, महामरि च्यादि तेल, त्रिभुवनकीर्ति रस, सिद्ध प्राणेश्वर आदि नेपाली वासःत मलय् छ्यलाः दयेकातःगु खः ।