zero media family planning adv

मनकामना द्यःया पुजारीया बन्दुक प्रहरीया नियन्त्रणय्

नेवा: अनलाइन न्युज – ललेन्द्र शाक्य | २०७७ बैशाख ७, आइतबार ०८:२९:५२

गोरखाया मनकामना देगःया पुजारी इन्सान थापा मगरं ज्वनावःगु ‘पोइन्ट टुटु’ नांया बन्दुक प्रहरीं नियन्त्रणय् काःगु दु ।

शुक्रवाः बहनी ९ ता इलय् बन्दुक ज्वनाः लँपुइ जुयाच्वंगु अवस्थाय् प्रहरीं पुजारी थापा मगरयात नापलाःगु खः । लाइसेन्स दुसां नं लकडाउनया इलय् बन्दुक ज्वनाः लँपुइ जुयाच्वंगुलिं नियन्त्रणय् काःगु एसपी ओमप्रसाद अधिकारीं धाःगु दु ।

एसपी अधिकारीं धाःगु दु, ‘लाइसेन्स दूगुलिं पुजारीयात गिरफ्तार मयाना, तारेखय् त्वःतागु दु । बन्दुक जिमिसं नियन्त्रणय् कयागु दु ।’

व्यक्तिगत प्रयोजनया नितिं धासें पुजारी थापा मगरं स्वंगू बन्दुक तयेदइगु इजाजत जिल्ला प्रशासन ज्याकुथिपाखें कयातःगु दु ।

तर पुजारीं उगु ल्वाभः बन्दुक शिकार म्हितेगु नितिं छ्यलाः वयाच्वंगु अनया स्थानीय बासिन्दापिन्सं धाःगु दु । शुक्रवाः बहनी नं शिकार म्हितेत बन्दुक ज्वनाः वःगु खनेधुंकाः स्थानीय बासिन्दापिन्सं प्रहरीयात खबर ब्यूगु खः ।

Categorized in दुर्घटना-अपराध