zero media family planning adv

मध्यपुर सञ्चार समाज पाखें वरिष्ठ सञ्चारकःमि दानदास श्रेष्ठ सम्मानित

नेवा: अनलाइन न्युज – निश्चल | २०७६ मङ्सिर २१, शनिबार २१:३१:३०

ताःईनिसें पत्रकारिता क्षेत्रय् सेवा यानावयादीम्ह स्वतन्त्र सञ्चारग्राम वाःपौया सम्पादक वरिष्ठ सञ्चारकःमि दानदास श्रेष्ठ यात सम्मान याःगु दु । मध्यपुर सञ्चार समाजया शनिवाः जूगु स्वकःगु तःमुज्याय् थेमृंग पत्रकारिता पुरस्कारं पाखें सम्मानित याःगु खः ।

मध्यपुर नगरपालिकाया मेयर मदनसुन्दर श्रेष्ठं सम्मानपत्र व नगद लःल्हाःगु खःसा नेपाल पत्रकार महासंघ भक्तपुर जिल्ला सभापति पुष्कर बुढाथोकीं दोसल्ला न्ययेका व मध्यपुर सञ्चार समाजया अध्यक्ष हरिबहादुर श्रेष्ठं स्वांमाँ क्वखायेकाः वयकःयात थथे सम्मान खः । 

थ्व हे झ्वलय् बाबुकाजी साःछेंश्रेष्ठया नायोसुइ मध्यपुर सञ्चार समाजया न्हूगु कार्यसमिति सर्वसम्मत चयन जूगु दु । उगु कार्यसमितिइ सागर गुरागाई न्वकू, सुमन श्रेष्ठ छ्यान्जे, चन्द्रकृष्ण श्रेष्ठ दाँभरिं, पृथ्वीराम श्रेष्ठ ल्युछ्यान्जे व कृष्णकाजी मानन्धर, विश्वेश्वर श्रेष्ठ, ज्ञानदेव श्रेष्ठ, ईश्वरलाल श्रेष्ठ, जगत प्रजापति दुजः जुयादीगु दु । नापं निवर्तमान नायःहरिबहादुर श्रेष्ठयात सल्लाहकार व कार्यसमितिया मनोनीत सदस्यकथं चयन याःगु दु ।

Categorized in स्थानिय-समाज