नेवा: अनलाइन न्युज | ने.सं. ११४४ सिल्लागा नवमी (२०८० चैत्र ५ गते) सोमवाः

मधेस प्रदेशया नवनियुक्त प्रदेश प्रमुख सुमित्रा सुवेदी भण्डारी मधेस प्रदेशया प्रदेश प्रमुखया पदभार ग्रहणयानादिगु दु । प्रदेश प्रमुखया कार्यालय निमित्त सचिव शत्रुधन यादवं थौ सोमवाः प्रदेश प्रमुख सुवेदीयात कार्यालयमा लसकस यानादिगु खः ।

नवनियुक्त  प्रदेश प्रमुख सुवेदी भण्डारी  मधेस प्रदेशया विकास व समृद्धिको अभियानय् थःगु पूर्ण ग्वाहालि दइगु दँ तयादिगु दु । संविधान, कानुन तथा विधि कथं प्रदेश प्रमुख यायेमाःगु जिम्मेवारी थःपिन्सं निष्पक्ष व तटस्थ रुपय् पूवकेगु नवनियुक्त  प्रदेश प्रमुख सुवेदी भण्डारीया प्रतिबद्धता याःगु दु । नवनियुक्त प्रदेश प्रमुख सुवेदी भण्डारी माता जानकीया जन्मभूमि वयाः सेवा याये दुगु सौभाग्य जुगु बिचाः प्वंकादिगु द ु ।

नवनियुक्त  प्रदेश प्रमुख सुवेदी भण्डारीयात प्रदेशसभाया सदस्य, कार्यालयया कर्मचारी, थीथी राजनीतिक दलया नेता, समाजसेवीपिन्सं लसकुस याःगु खः । मधेसका प्रदेश प्रमुख भण्डारी पदभार ग्रहण याये न्ह्यः जानकी मन्दिरय् पूजापाठ यानादिगु खः । थ्वया न्ह्यः प्रदेश प्रमुख सुवेदीयात कार्यालय परिसरय् नेपाली सेनाया छगू टुकडी सलामी अर्पण याःगु खः ।

Categorized in राष्ट्रिय