prabhu baink new

मदुम्ह तुलाधर भाषा ख्यलय् प्रा. प्रेमशान्तिया लिक्क लाःम्ह ग्वाहालिमि

नेवा: अनलाइन न्युज – विजयरत्न | २०७७ श्रावण १८, आइतबार १६:०९:०१

नेपालभाषा एकेदेमिया प्राज्ञ दुजः,  प्राध्यापक, इतिहासविद् एवं साहित्य समालोचक प्रा. प्रेमशान्ति तुलाधरया जहान अकलमान तुलाधर थौं ने.सं. ११४० गुँलाथ्व चतुर्दसि आइतवाः सुथय् ११ः३० ता इलय् ७७ दँया उमेरय् आकाझाकां मदुगु खः। 

मदुम्ह अकलमान तुलाधर छम्ह समाजसेवी व भाषासेवी खःसा  थः जहान प्रा. प्रेमशान्ति तुलाधरयात अतिकं लिक्क च्वनाः भाषा ख्यलय निरन्तर ग्वाहािल यानाः वयाच्वनादीम्ह खः ।

मदुम्ह अकलमान तुलाधरया थौं आइतवाः हे येँया शोभाभगवति देगःया लिउने कर्णदिपय् अन्तिम संस्कार जुयाच्वंगु दु।

मदुम्ह अकलमान तुलाधर बि.सं. २००० साल कार्तिक २१ गते जन्म जुयादीम्ह खः ।

मदुम्ह तुलाधरया थः जहान प्रा. प्रेमशान्ति तुलाधरलिसें निम्ह काय् ( प्रशन्न व सौरभ तुलाधर) व छम्ह म्ह्याय् पल्पसा कंसाकार दी।

Categorized in नेवाः