मृगुराम श्रेष्ठ नेवाः संगीत ख्यलय् म्हसीका च्वनेमाःगु नां मखु । बरीष्ठ जनगायक भृगुराम श्रेष्ठं थःत ताः इलंनिसें नेवाः संगीत ख्यःया नितिं पाना च्वनादीगु दु । वय्कलं अाःतक्कया दुने यक्व हे म्ये हालादी धुंकल सा स्वचाः याकः म्येचाः पिदंगु दु । २०६० सालय् वय्कःया दक्कले न्हापांगु याकः म्येचाः लुमन्तिइ पिदन सा लिपा इलं पिज्वःगु सः नं पिदन । ल्यासे ल्याय्म्हया म्ये दुथ्याःगु लुमन्तिइ अले मातृभाषानुरागं जाःगु क्रान्तिया सः मुनाच्वंगु इलं पिज्वःगु सः धुंकाः ज्ञानमाला भजन म्येचाः रागमि नुगलय् पिदंगु दु । नेवाः जागरण मञ्च संकिपा समितिपाखें पिदंगु उगु म्येचाःया बिमाेचन ज्याझ्वलय् क्यंगु भाजु भृगुरामया भिडियाे प्राेफाइल खः थुगु भिडियाे ।