1142 nhoo dan adv

भूपेन्द्र हत्या प्रकरण : होटलं गोली व पेस्तोल बरामद

नेवा: अनलाइन न्युज – ललेन्द्र शाक्य | २०७८ मङ्सिर १०, शुक्रबार ०८:४३:२४

कैलालीइ प्रहरीं होटलपाखें ७ राउण्ड गोलीलिसें निगू पेस्तोल बरामद याःगु दु । टीकापुर नगरपालिका १ या सिद्धार्थ होटलं गोलीलिसें पेस्तोल बरामद याःगु प्रहरीं जानकारी ब्यूगु दु ।

उगु होटल न्ह्यःने वंगु कार्तिक ३० गते लम्कीया भूपेन्द्र बडुवालया हत्या जूगु खः । प्रहरीं बरामद याःगु ल्वाभः हत्याया मू योजनाकार धाःम्ह चिसापानीया नवीन रावलं छ्यलाः वयाच्वंगु जुइफूगु जानकारी ब्यूगु दु ।

जिल्ला प्रहरी ज्याकुथिया कथं बुधवाः न्हिनय् विशेष सुचंया आधारय् उगु होटलय् खानतलासी याःबलय् होटलया कोथाया ट्वाइलेटय् सुचुकातःगु अवस्थाय् पेस्तोल बरामद याःगु खः । बरामद याःगु ल्वाभःबारे अनुसन्धान जुयाच्वंगु प्रहरीं जानकारी ब्यूगु दु ।

वंगु कार्तिक २३ गते टीकापुर नगरपालिका १ य् लम्कीचुहा नगरपालिका १ या बडुवालया ज्वःगु ल्वाभः प्रहार यानाः हत्या जूगु खः । वया हत्याय् दुथ्याःगु द्वपनय् पीडित छेँजःपिन्सं नवीन रावललिसें १६ म्हविरुद्ध किटानी जाहेरी ब्यूगु खः । इपिंमध्ये १० म्हेसित प्रहरीं ज्वंगु दुसा रावललिसेंया ६ म्ह आःतकं फरार जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध