zero media family planning adv

भुखाय् म्ये

गथे मन जुल गथे तन जुल
घौ पल्खं थनं ह्रास नास जुल
धुया रास रास जुल

चिल्लाय् मिल्लाय् दन
हिमीचाल थ्व मन
म्हाल पतींनं बं क्वतेला धाल
हाहा नारन नारन नां काल

धराहरानं दुनं
झीगु धरोहरनं दुनं
व फल्चा व देग झीगु छेंनं दुनं
छुहें मन्त थनं दुनं फुक्कं दुनं

जीउ नाश जुल
मन त्रास त्रास जुल
झीगु दे नेपाया थौं
सर्वनाश जुल

झ्व झ्व तया छ्वय्कल
दुनियाइतहे ख्वय्कल
धू नौ ब्वथें थौं
थ्व नुग ब्वय्कल

भीर पाखान्हं मधाल
पहाड़ हिमालन्हं मधाल
च्वत्यूं वनं च्वय्नं क्वय् तक्क
स्वनीगनं स्यनं नेपामीं पिंगु निगनं

आ सुनां झीत क:गा वइ
आ सुना झीत थ:धा वइ
छुंहे आस मन्त तन मन धन
गनं वन ग्व व फुक्कं देब गण

थासय् मदु जीगु मन उदास
स्वस्व था़य् बिजोग ह्रासनास
थीर मजुल गनन
धरती माँ सं जक सनं

त्रास त्वती सास दुकया आस का
अले बिचा या
वं मया थ्वं मया धका
गुने जक याना च्वने मते
मेपीन्सं याइ धका सुम्क जकनं
च्वनां च्वने मते
थम्हेस्यांनं छुं याय्गु कुत: या
ग्याले बुया च्वंपीन्तनं वा धा
थ:थीती-छें मदया अब्वे मदया
च्वंपीन्तनं वा धा
झीगु दे नेपाः छगु ख छधी याय् वा- वा फुक्कं वा