nepal life 2076 3 18

भिक्टोरिया केन्द्र जुयाः अष्ट्रेलियाय् भुखाय्

नेवा: अनलाइन न्युज – ललेन्द्र शाक्य | २०७८ आश्विन ६, बुधबार १२:०५:०३

अष्ट्रेलियाया भिक्टोरियाय् भुखाय् ब्वःगु दु । स्थानीय ई कथं सुथय् ९ ता ईपाखे भुखाय् ब्वःगु अष्ट्रेलियया संचारमाध्यमं जानकारी ब्यूगु दु ।

सुथय् ६ रेक्टरस्केलया भुखाय् ब्वःगु व भिक्टोरियाया लिसें सिड्नी, क्यानबेरा व तास्मानियातक भुखाय् धक्का महसुस जूगु खः । 

९ ता ईपाखे ब्वःगु भुखाय् लिपा मेगु कम्पन नं महसुस जूगु खः ।

छुं थासय् आवासीय छेँत दुंगु लू सार्वजनिक जूसां नं भुखाचं गुलि क्षति यात धैगु जानकारी मवःनिगु स्थानीय संचार माध्यमं न्ह्यथंगु दु ।

भुखाय् ब्वःगु क्षेत्रया नागरिकपिन्त सुरक्षित जुइत व मछिंगु अवस्थाय् लाःसा उद्दारया नितिं तयार जूगु अनया सरकारं धाःगु दु । भुखाय् लिपा सुनामी वइगु खतरा मदूगुलिं ग्याःचिकुइ च्वनेम्वाःगु धासें जनतायात सान्त्वना ब्यूगु दु ।

Categorized in अन्तर्राष्ट्रिय