prabhu baink new

भाषासेवी नेवाः न्ह्यलुवाः उद्योगपति लक्ष्मीदास मानन्धर अस्पताल भर्ना

नेवा: अनलाइन न्युज – ललेन्द्र शाक्य | २०७७ श्रावण ६, मंगलबार १५:२१:०४

भाषासेवी नेवाः न्ह्यलुवाः उद्योगपति लक्ष्मीदास मानन्धर अस्पताल भर्ना जुयादीगु दु ।

आइतवाः बहनी थःगु हे निवासय् दयाः घाःपाः जुइधुंकाः मानन्धरयात वासः यायेगु नितिं येँया बागबजारय् च्वंगु काठमाडौं मोडल अस्पतालय् भर्ना याःगु खः ।

स्वाहानं क्वाहाँ वयेगु झ्वलय् तुति चुलुयाः मानन्धर दःगु खः । मानन्धरया जव तुतिया क्वँय् त्वःधूगु वासः यायेगुलि दुथ्याःपिं चिकित्सकपिन्सं जानकारी ब्यूगु दु । आः मानन्धरया वासः जुयाच्वंगु दु । वय्कःया स्वास्थ्य अवस्था सामान्य जूगु पारिवारिक स्रोतं जानकारी ब्यूगु दु ।

लक्ष्मीदास मानन्धर पुलांम्ह सांसद नं खःसा वय्कः तत्कालीन एमालेपाखें राष्ट्यि सभाय् निर्वाचित जूगु खः । वय्कः उद्योग वाणिज्य समितिया सभापति तकं खः । वय्कः साल्ट टे्रडिंग कर्पोरेशन लिमिटेडया संचालक समितिया नायः तकं खः ।

आः भाषासेवी नेवाः न्ह्यलुवाः प्रतिष्ठित उद्योगपति लक्ष्मीदास मानन्धर ९३ दँय् च्वनाच्वंगु दु ।

Categorized in नेवाः