city axpris 2

भाषासेवी ई. देवदासया लुमन्तिइ जूम ज्याझ्वः याइगु

नेवा: अनलाइन न्युज – ललेन्द्र शाक्य | ने.सं. ११४४ सिल्लाथ्व दुतिया

भाषासेवी, शिक्षाविद्, नेपाल संवत न्हूदँ राष्ट्रिय समारोह समितिया सचिवालय दुजः ई. देवदास मानन्धरया लुमन्तिइ जूमय् ज्याझ्वः याइगु जूगु दु ।

अमेरिकाय् च्वनाः न्ह्याकाः वयाच्वंगु श्रष्टा समाज व  लक्ष्मीदास मानन्धर लुमन्ति पुचःया ग्वसालय् थथे जूम ज्याझ्वः यायेत्यंगु खः ।

वइगु फागुन ५ गते शनिवाः बहनी ८ ता इलय् थथे वय्कःया लुमन्तिइ थीथी व्यक्तिपिन्सं जूम ज्याझ्वःपाखें थःथःगु नुगःखँ प्वंकेत्यंगु दु ।

श्रष्टा समाजं ब्यूगु जानकारी कथं जूम ज्याझ्वः कवयित्री प्रतिसरा मानन्धर व संचारकःमि सिल्भिया राजोपाध्यायं न्ह्याकेत्यंगु दुसा ज्याझ्वलय् वक्ता कथं जनकवि दुर्गालाल श्रेष्ठ, डा. त्रिरत्न मानन्धर, मल्ल के. सुन्दर, पूर्वमन्त्री जीवनराम श्रेष्ठ व श्रष्टा समाजया प्रभा दीक्षितपिन्त ब्वनातःगु दु ।

ई. देवदास मानन्धर वंगु स्वला न्ह्यः ब्रेन हेमरेजया वासः यायेगु झ्वलय् ७५ दँय् मदुगु खः । वय्कः नांजाःम्ह भाषासेवी, उद्योगपति, धर्मसेवी, राजनीतिज्ञ लक्ष्मीदास मानन्धरया तःधिकःम्ह काय् खः ।

Categorized in नेवाः