zero media family planning adv

भारत सरकार पाखें लिपुलेकया अतिक्रमणयात कयाः नेपाः पार्टीया बिरोध

नेवा: अनलाइन न्युज | २०७७ बैशाख २८, आइतबार १७:४१:०४

भारतं नकतिनिहे लिपुलेकय् नेपाःया भूमिजुया चीनया मानसरोवरतक वनेगु करिव ७८ किमि ताहाकगु लँ निर्माणया ज्या न्हयकुगु सम्वन्धय् नेपाः राट्रिय पार्टीया गम्भीर ध्यानआकर्षण जुगु दु खँ उगु पार्टी पित ब्यूगु बिज्ञप्तिइ न्ह्यथनातःगु दु ।

पार्टीया नायः डा. बिजय सैजुं ल्हाचिं तयाः थौं पित ब्युगु उगु बिज्ञप्तिइ भारतं गुगुं हालतनं नेपाःया भूमि अतिक्रमणयाना दयेकेमज्युगु पार्टीं ठहर यागुदु । लँदय्केगुज्या भारत सरकारं तत्कार दिकेमागु व विवादित भुमि नेपाः यागुहे खः धैगु पुष्ती जइधुंका नं थथे निर्माण ज्या न्ह्याकेगु धयागु भारतया हेपाहा प्रवृति खः  न्ह्यथंनातःगु दु ।

लिसें थ्वः अतिक्रमणयाज्या तत्काल दिकेया निंतिं नेपाः सरकारं माःकथंया कुतनीतिक पहल न्ह्याकेया निंतिं जोड्दार माग याना याःगु दु । 

उगु बिज्ञप्तिइ थुजागु कुतनीतिक पहलया ज्या न्ह्यकेया निंतिं नेपाः राट्रिय पार्टीया ग्वाहाली मालधासा माःकथंया ग्वाहाली यायेत पार्टी न्ह्यावलेँ तयार दु थ्वः सम्वधय् सरकारं इलय्हे पला मछिला थुकिं लिपा व्वलनिगु सम्भावित जन आन्दोलनपाखेँ जुइगु लिच्वःया जिम्मेवार पूर्णरुपं सरकारहे जुइगु खँ नं न्हयथंनातःगु दु ।

Categorized in राजनीति