zero media family planning adv

भारत विरोधी छाय् जुइ नेपाःमि ?

बिजय स्यस्यः

राष्ट्रवाद धायेगुया अर्थ भारतया विरोध मखु धकाः थःत विद्धान धइपिं छम्ह निम्ह इलय् हे खनेदु । तर थन राष्ट्रवादया पर्यावाची राष्ट्रहे भारत विरोध जुयाच्वंगु छगू अर्थात परम्परा खः ।
भारत नेपाःया जःलःखला तःकुगु देय् खः । भारतं नं नेपाःया राजनीतिई थःगु तःहाःगु ल्हाः छ्यला च्वंगु दु । थ्व वास्तविकता खः । अथे जूगुलि राष्ट्रवादप्रति सचेतना दुपिं मनूतसें भारतया विरोध याइगु स्वाभाविक खः । मखुसा राष्ट्रवादी जुइगु निति गुुगुं विदेशी राष्ट्रया विरोध यायेमाखु दुं जरुरत मदु ।
हानं भारतविरोध धकाः पाकिस्तानय् भारतया विरोध जू थें नं मुख । न्यनेदु कथं पाकिस्तानीतय् थाय् भारतया धाल घायेवं न्हयागे क्वह्यं थःगु देय्या धाल धायेवं न्ह्यागुं तःधं धकाः मस्तनिसें स्यनातइगु । थी थाय् भारतया विरोधा धइगु उकथं जुयाच्वंगु नं मखु, थन ला भारतं नेपालय् यानाच्वंगु क्रियाकलापया जक विरोध जूगु खः, हस्तक्षेपया जक विरोध जुया वयाच्यंगु खः ।
तर भारतं आः वयाः नेपाःमितय्त भारत व भारतीय प्रति नतमस्तक दयेकेत स्वःगु खनेदु । २०६२–६३ या आन्दोलनलिपा लोकतन्त्र हयाबीगु ज्याहे भारत यानाविल, गणतन्त्र दयेकेगु ज्या नं भारत यानाबिल धइगु सन्देश जनताया न्ह्यपुइ न्ह्यपुइ दुछ्वयेगु कुतः जूगु दु । उलि जक मखुसे गनं अस्पताल दयेकेगु सा गन स्कुल दयेकेगु ज्याय् भारतीय राजनीतिक हे प्रत्यक्ष्ँ संलग्न जुया जूगु दु । न्हापा यें भारतं सरकारी स्तरं सरकारयात तःधंगु ज्याय् ग्वाहालि बीगु जक ख“ मयाये धुंकल थाय् थासय् ग्वाहालि बीगु व उद्घाटन याइम्ह नेता जुया जुगु झीसं खना हे च्वना । थुकथंया गतिविधि गुकिसितं पालय् जूसां गुलिखे जुगुलिं राजदुतं लाकां नं नःगु ख“ नं खनेहे दत । हानं भारतीय राजदुत तप्यंक हे वनाः गृह मन्त्रालयस ख्याच्वः व्यूवन । न्हापा कृष्णप्रसाद भट्टराई अन्तरिम प्रधानमन्त्री जुयाच्वंगु इलय् गिरिजाप्रसाद कोइराला पश्चिमय् नेतागिरी याः वं बलय् लिनाहःगु त्वहलय् उबलया गृहमन्त्री योगप्रसाद उपाध्याययात राजीनामा माग जुल । अथेहे तुं आः भारतीय राजदुतं गृह मन्त्रालयया सविचयात ज्वंजूगु स्वयेबलय् सूद धइम्ह गुम्हं कुटनीतिज्ञ खःकि नेपालय् नेता गिरी यानाजुइम्ह मनू खः धकाः मनूतय्त अलमलय् लाकाव्यूगु दु । थुकथं भारत नांगा पहलं पिहां वयेगु अले भारतया विरोध जुल धायेगुया अर्थ छु खः ।
सुं मनू गुगु धर्मय् वनेगु अले उकि ला नयेमज्यूगु जूसा ला मनयेगु धइगु थुज्वःगु ख“ राष्ट्रवादी जुइगु मखु । अथे जूगुलिं इसाई जुइत सिन्हः ती हे मज्यूगु मखु धइथें ज्वःगु ख“ राष्ट्रीयताया सवालय् लागु जुइगु मखु । भारतं नेपालय् गुगु दृष्टिकोण नालाच्वंगु दु, गुुगु हस्तक्षेपया यानाच्वंगु दु, उकिया विरोध स्वाभाविक हे खः ।