1142 nhoo dan adv

भारत जुल साफ च्याम्पियन, नेपाः बुत

नेवा: अनलाइन न्युज – ललेन्द्र शाक्य | २०७८ आश्विन ३१, आइतबार ०९:४४:५१

नेपाः साफ फुटबल कासाया च्याम्पियन जुइगु ह्वताःपाखें आउट जूगु दु । 

न्हापांगुखुसि साफ च्याम्पियन जुइगु कथं मैदानय् क्वाहाँ वःगु नेपाः निगूगु हाफय् कःघायेमफयाः चुकेजूगु खः ।

न्हापांगु हाफ गोलरहित बराबरीइ क्वचाःगु खः । तर, निगूगु हाफया ४९ व ५० औं मिनेटय् भारतं निगू गोल यात । कप्तान सुनिल क्षेत्रीं न्हापंगु गोल याःगु खः । निगूगु गोल सुरेश वाङजामं याःगु खः ।

भारतया नितिं स्वंगूगु गोल इन्जुरी इलय् सहाल समादं याःगु खः ।

कासा ३–० गोल अन्तरं भारतया पक्षय् वन । भारत च्याक्वःगुखुसि साफ च्याम्पियन जुइत ताःलातसा नेपाःया साफ च्याम्पियन जुइगु म्हगस पूमवन ।

Categorized in कासा