nepal investment baink

भारतीय मूलया बेलायतया प्रधानमन्त्री सुनकपाखें राजीनामाया घोषणा

नेवा: अनलाइन न्युज – ललेन्द्र शाक्य | नेपाल संवत ११४४ तछलागा अमाई (२०८१ असार २१ गते) शुक्रवाः

बेलायतया प्रधानमन्त्री ऋषि सुनकं राजीनामाया घोषणा याःगु दु ।

बिहिवाः जूगु निर्वाचनय् कन्जरभेटिभ पार्टीं बांमलाक्क पराजय फयेमालीगु संकेत खनेदयेधुंकाः प्रधानमन्त्री सुनकं पदपाखें राजीनामा बिइगु घोषणा याःगु खः ।

बिहिवाः जूगु निर्वाचनय् लेबर पार्टीं बहुमत काइगु खनेदूगु दु । १४ दँ लिपा लेबर पार्टी सत्ताय् लिहाँ वइगु निश्चितथें जूगु दु । लेबर पार्टी सत्ताय् वःसा किएर स्टार्म र प्रधानमन्त्री जुइफु ।

लेबर पार्टीं आःतक ६० सिटय् त्याकेधुंकूगु दुसा सुनकया कन्जरभेटिभ पार्टी मुक्कं स्वंगू सिट त्याकूगु दु ।

बेलायतय् बहुमतया सरकार नीस्वनेगु नितिं ३२६ सिटय् त्याकेमाःगु आवश्यकता दु ।

६५० सिटया नितिं जूगु निर्वाचनया लिच्वः थौं शुक्रवाः सनिलतक घोषणा याइगु जूगु दु । सन् २०२२ स प्रधानमन्त्री जूम्ह सुनक बेलायतया न्हापांम्ह भारतीय मूलया प्रधानमन्त्री खः ।

Categorized in अन्तर्राष्ट्रिय