nepal life 2076 3 18

भारतीय जनता पार्टीया निमन्त्रणाय् कांग्रेस पुचः बिहिवाः भारत वनीगु

नेवा: अनलाइन न्युज – ललेन्द्र शाक्य | २०७८ आश्विन २०, बुधबार १२:१५:३०

भारतीय जनता पार्टी (बिजेपी)या निमन्त्रणाय् सत्तारुढ नेपाली कांग्रेसया छगू टोली बिहिवाः भारत वनीगु जूगु दु ।

पार्टीया सहमहामन्त्री डा. प्रकाश शरण महतया नेतृत्वय् वनेत्यंगु उगु टोलीइ कांग्रेस नेता उदय शमशेर राणा व अजय चौरासिया नं दुथ्याः । नेता राणां भाजपाया निम्तोय् वनेत्यनागु व भ्रमण निगू पार्टी दथुया स्वापू विस्तारय् केन्द्रीत जुइगु धाःगु दु ।

वंगु अगष्ट महिनाय् भाजपाया विदेश विभाग प्रमुख विजय चौथाइवां नेपाल भ्रमण याःगु खः । वं प्रमुख राजनीतिक दलया नेतापिंलिसे भेटवार्ता याःगु खः ।

लिपांगुखुसि भाजपां नेपाःया राजनीतिक दलतलिसे सम्बन्ध विस्तार यानाच्वंगु दु । प्रधानमन्त्री शेरबहादुर देउवां थगु इलय् भारतलिसेया सम्बन्ध सुधारय् पलाः न्ह्याकाच्वंगु दु । मन्त्रिपरिषद् विस्तारलिसें देउवाया भारत भ्रमणया तिथि तकं क्वःछीगुु स्रोतं धाःगु दु ।

भारतं मन्त्रिपरिषद विस्तार जुइधुंंकाः जक देउवायात औपचारिक भ्रमणया निम्तो छ्वयाहयेगु संकेत थ्वसिबें न्ह्यः हे बिइधुंकूगु दु ।

Categorized in राजनीति