newayatataad 2

भारतीय गायक कुमार सानुया काय् जानं अबुयात द्वपं, कुमार सानु ख्वल

नेवा: अनलाइन न्युज – ललेन्द्र शाक्य | २०७७ मङ्सिर १०, बुधबार १६:०४:४०

भारतीय टेलिभिजनय् अतिकं बय् बय् जुयाच्वंगु बीगबोस ज्याझ्वलय् सहभागी जुयाच्वंम्ह गायक कुमार सानुया काय् जान सानु लिपांगु इलय् चर्चाय् वयाच्वंगु दु । वंगु वालय् छेँपाखें पिहाँ वःम्ह जान सानुं थः अबु कुमार सानुया विषयस थथे धाःगु खः कि वया खँपाखें न्ह्याम्ह नं अजू चाइ । जान सानुं थः अबु कुमार सानुयात द्वपं बिसें थः व थः मांया नितिं गुबलें नं छुं मयाःगु धाःगु खः ।

थःत काय् पाखें द्वपं बिइधुंकाः कुमार सानुं नं थःगु प्रतिक्रिया ब्यूगु दु । वं धाःगु दु, जानया मां नं छु चाहेजुगु खः, व फुक्क जिं बियागु दु । तर, थुलि याःसां नं जिं छुं मयाःगु धयाः वयाच्वंगु दु ।

दकले न्हापां कुमार सानुं काय् जानयात छुं खँया स्पष्टिकरण ब्यूगु खः । वं धाःगु दु, छक्वः भिडियो हाकनं स्वयेगु आवश्यक जू । जिं वयात धयागु खः कि नालायकया खँ ल्हाये मज्यू । जिं वयात नालायक धयागु मदु ।

थ्वधुंकाः कुमार सानुं धाःगु दु, थ्व खँ न्यनाः दुःख जूगु दु, गुकी जानं धाःगु दु कि जिं नांया अलावा छुं मबिल ।

कुमार सानुं अतिकं दुःखी जुया ख्वयाः न्ह्यःने धाःगु दु, जान यक्वः चीधिकःबलय् वं मस्यू कि गुबले सन् २००१ स जिगु जानया मांलिसे सम्बन्ध विच्छेद जूगु खः । उगु इलय् जानया मां नं अदालतय् छु छु फ्वंगु खः, व फुक्क चीज जिं बियागु दु । थः च्वनेगु बंगला नं बियागु दु । जि काय् जान जिलिसे नापलानाः च्वनी । तर आः वं नापलाये चाहेजूसां नं जिं नापलाये मखुत ।

काय् जानयात ज्याया सिलसिलाय् थःम्हं म्यूजिक प्रोड्युसरयात नं नापलाकाः बियागु धासें कुमार सानुं थः कोरोना संक्रमित जूगु इलय् नं काय् नं छगू कल नं मयाःगु तकं दुःख प्वंकूगु दु ।

कुमार सानुं धाःगु दु, छपा ल्हाःतं जक लापा थायेमज्यूगु धासें माया मतिना नं छगू तर्फी मजुइगु धाःगु दु ।

Categorized in कला