Header Nepal rastra bank Adv

भारतय् २४ घौ दुने साढे २ लख कोरोना संक्रमित थप

नेवा: अनलाइन न्युज – ललेन्द्र शाक्य | २०७८ माघ ३, सोमबार १२:००:४४

जलाखला देय् भारतय् लिपांगु २४ घौ दुने २ लख ५८ हजार ८९ म्ह न्हूपिं संक्रमित थप जूगु दु । थ्वलिसें अन आःतक कोभिड संक्रमितया ल्याः मुक्कं ३ करोड ७३ लख ८० हजार थ्यंगु दु ।

अथेहे, लिपांगु २४ घौ दुने ३५८ म्ह संक्रमितपिनिगु ज्यान वंगु भारतया केन्द्रीय स्वास्थ्य मन्त्रालयं जानकारी ब्यूगु दु । लिपांगुखुसि थप जूपिं सीपिनिगु ल्याःीलसें भारतय् आःतक मुक्कं ४ लख ८६ हजार ४५१ म्ह संक्रमितपिनिगु ज्यान वनेधुंकूगु दु ।

थ्वलिसें, कोभिड १९ या न्हूपिं ओमिक्रोन भेरियन्टया संक्रमितया ल्याः छन्हुं हे ६.०२ प्रतिशतं बृद्धि जूगु दु । लिपांगु २४ घौ दुने ४६ट म्ह ओमिक्रोन भेरियन्टया संक्रमित थप जुइधुंकाः थ्व भेरियन्टपाखें संक्रमित जूपिनिगु ल्याः ८ हजार २०९ थ्यंगु भारतीय समाचार माध्यमं जानकारी ब्यूगु दु ।

भारतय् स्वंगूगु लहरलिसें सक्रिय संक्रमितया ल्याः नं अप्वःगु दु । आः अन सक्रिय संक्रमितया ल्याः १६ लख ५६ हजार ३४१ म्ह थ्यंगु दुसा संक्रमणमुक्त जूपिनिगु दर ९४.२७ दु । लिसें, न्हिथं संक्रमण दर १९.६५ प्रतिशत जूगु दु ।

भारत सरकारं कोभिड १९ या खोप बिइगु न्ह्याकूगु दच्छि पूवंगु दु । व ई दुने १ अर्ब ५७ करोडसिबें अप्वः खोपया डोज बिइधुंकूगु दु ।

Categorized in अन्तर्राष्ट्रिय