coved ad

भारतय् सेना प्रमुख च्वनावंगु हेलिकोप्टर दुर्घटना

नेवा: अनलाइन न्युज – ललेन्द्र शाक्य | २०७८ मङ्सिर २२, बुधबार १४:४८:३६

भारतय् उच्च सैनिक अधिकारी च्वनावंगु हेलिकोप्टर दुर्घटना जूगु दु ।

चिफ अफ डिफेन्स स्टाफ विपिनरावतलिसें उच्च अधिकारी च्वनावंगु हेलिकोप्टर तामिलनाडुया निलगिरी लिक्क कुन्नर धैगु थासय् दुर्घटनाय् लाःगु भारतीय संचारमाध्यमं जानकारी ब्यूगु दु ।

इन्डियन एयर फोर्सं नं ट्विटरपाखें सेना प्रमुख रावतलिसेंया टोली च्वनावंगु एमआई १७ हेलिकोप्टर दुर्घटनाय् लाःगु धाःगु दु ।

दुर्घटनाग्रस्त हेलिकोप्टरय् रावतलिसें १४ म्ह च्वनावंगु इन्डियन एक्स्प्रेसं जानकारी ब्यूगु दु ।

हेलिकोप्टरय् सेना प्रमुख रावतया जहान नं दूगु बुखँय् जानकारी ब्यूगु दु । दुर्घटनाय् घाःपाः जूपिं कम्ती नं स्वम्हेसित अस्पताल यंकूगु स्रोतयात उदृत यासें बुखँय् जानकारी ब्यूगु दु ।

तर अस्पताल यंकूपिं घाःपाः जूपिनिगु म्हसीका धाःसा खुलस्त याःगु मदु ।

Categorized in अन्तर्राष्ट्रिय