2565 buddha Jayanti ADV

भारतय् मचातय्त कोरोना खोप परीक्षण

नेवा: अनलाइन न्युज – ललेन्द्र शाक्य | २०७८ जेठ २०, बिहिबार १२:४७:४४

भारतं मचातय्त कोरोना खोपया परीक्षण न्ह्याकूगु दु । भारतय् हे दयेकूगु कोभ्याकिसन खोपया परीक्षण मंगलवाःनिसें न्ह्याकूगु खः ।

पटनाया १२ निसें १७ दँ उमेर समूहया स्वम्ह मचातय्त परीक्षणया रुपं खोप बिइधुंकूगु व इपिं स्वस्थ जूगु एम्स अस्पतालया कोभिड इञ्चार्ज डा. संजीवकुमारं जानकारी ब्यूगु दु । वइगु महिना ५२५ म्ह मचातय्त खोपया परीक्षण यायेगु डा. संजीवकुमारं धाःगु दु ।

निगूगु चरणय् नं खोपया नकारात्मक लिच्वः खनेमदुसा स्वंगूगु चरणया खोप बिइगु तयारी दु । उकिया प्रभावकारिताया आधारय् खोप अनुमोदन याइगु जुइ ।

आःतक १८ दँ उमेसिबें च्वय् च्वंपिन्त जक कोरोना खोप बिइगु यानाः वयाच्वंगु दु । दिल्लीया मुख्यमन्त्री अरविन्द केजरीवाल लिसें भारतया नेतापिन्सं मचातय्त नं गुलिफु उलि याकनं कोरोना खोप बिइमाःगु धारणा तयाः वयाच्वंगु खः ।

Categorized in अन्तर्राष्ट्रिय