zero media family planning adv

भारतय् छन्हू हे कोभिड पाखें ३,४१७ म्ह सित, ३ लाख ६८ हजार संक्रमित

नेवा: अनलाइन न्युज | २०७८ बैशाख २०, सोमबार १३:५२:२४

 भारतय् कोरोनाभाइरस (कोभिड–१९०) या संक्रमण पाखें लिपांगु २४ घण्टाय् तीन हजार ४१७ म्ह सिइगु दु ।

भारतीय स्वास्थ्य व परिवार कल्याण मन्त्रालयया खकथं २४ घण्टाया दुने  तीन लाख ६८ हजार न्हूपिं संक्रमित लुगु दु । थ्व नापं भारतय् कूल संक्रमितया ल्याः एक करोड ९९ लाख थ्यंगु दु ।

 वंगु शनिबाः न्हिं संक्रमितया ल्याःचार लाख च्वये थ्यंगु खः । आइतबाः छु भचाः म्हो जुगु खः । भारतय् कोभिड संक्रमण पाखें आः तक दुई लाख १८ हजार ९५९ म्ह सिइगु दु ।

मन्त्रालयया कथं भारतय् अझ नं ३४ लाख सिब्ये अप्वः सक्रिय संक्रमितया अवस्थाय् दु । वंगु २४ घण्टाय् तीन लाख व्यक्ति संक्रमणमुक्त जुगु दु । थ्व लिसें भारतय् कूल संक्रमित मध्ये १ करोड ६२ लाख संक्रमणमुक्त जुगु दु ।

भारतय् कोभिडया निक्वःगु लहरं देय् छगुलिं संकटया अवस्थाय् लाःगु दु ।

विश्व स्वास्थ्य संगठनया कथं कोरोनाभाइरस महामारी पाखें विश्वभर कोभिड–१९ को संक्रमण पाखें सिइपिनिगु ल्याः ३२ लाख १६ हजार च्वये थ्यंगु दु ।

कोभिडया संक्रमण पाखें संयुक्तराज्य अमेरिकाय् ५ लाख ९१ हजार, ब्राजिलय् ४ लाख ७ हजार, भारतय् २ लाख १८ हजार, मेक्सिकोय् २ लाख १७ हजार, बेलायतय् १ लाख २७ हजार, इटाली १ लाख २१ हजार, रसियाय् १ लाख १० हजार, फ्रान्सय् एक लाख सिइधुंकुगु दु । 

(रासस–एएनआई)

 

 

 

Categorized in अन्तर्राष्ट्रिय