zero media family planning adv

भारतय् छन्हुं हे थप जुल ९३ हजारसिबें अप्वः न्हूपिं संक्रमित

नेवा: अनलाइन न्युज – ललेन्द्र शाक्य | २०७७ चैत्र २२, आइतबार १३:१४:१९

भारतय् लिपांगु २४ घौ दुने ९३ हजारसिबें अप्वः कोरोना भाइरस कोभिड १९ या संक्रमण पुष्टि जूगु दु । भारतया स्वास्थ्य मन्त्रालयया कथं उगु ई दुने ९३ हजार २४९ म्हेसित कोरोना संक्रमण पुष्टि जूगु खः ।

भारतय् साढे ६ महिनालिपा छन्हुं हे थुलि यक्व ल्याखय् न्हूपिं संक्रमित थप जूगु खः । थ्वलिसें भारतय् कोरोनापाखें संक्रमित जूपिनिगु ल्याः नं १ करोड २४ लख पुलेधुंकूगु दु ।

भारतय् कोरोनापाखें सीपिनिगु ल्या नं अप्वः जूगु दु । लिपांगु २४ घौ दुने कोरोना संक्रमणपाखें ५१३ म्ह सीगु दु । थ्वलिसें भारतय् आःतक कोरोनापाखें सीपिनिगु ल्याः १ लख ६४ हजार ६२३ म्ह थ्यंगु दु ।

महाराष्ट्र प्रान्तय् जक लिपांगु २४ घौ दुने ४९ हजारसिबें अप्व मनूतयेके कोरोना संक्रमण खनेदूगु दुसा २७७ म्ह संक्रमित सीगु दु । छत्तीसगढय् ५ हजारसिबें अप्वः न्हूपिं संक्रमित लुयावःगु दुसा कर्नाटकय् नं न्हूपिं संक्रमित ल्याः ४ हजारसिबें अप्वः दु ।

अथेहे, तामिलनाडु, दिल्ली व उत्तर प्रदेश लिसेंया राज्य दुने नं लिपांगु ई कोरोना संक्रमित ल्याः अप्वयाच्वंगु दु ।

Categorized in अन्तर्राष्ट्रिय